كوروناۆيرۋستىڭ سيمپتومسىز تۇرىنە شالدىققاندار ەم الۋى كەرەك پە
«قانداي دا ءبىر سكرينينگ كەزىندە نەمەسە جاقىن بايلانىستا بولعان ادامدا وسى ۆيرۋس انىقتالدى دەلىك. ال سول ۋاقىتتا دەنساۋلىعىندا ەشقانداي پروبلەما بولماعان ادامدى ەمدەۋ قاجەت پە؟ ەگەر مەن ءوزىمدى جاقسى سەزىنسەم ءارى ەشقانداي پروبلەما بولماسا شە؟ مەنىڭشە، ءدارىنى ناقتى بەلگىلەرى بويىنشا عانا قابىلداۋ كەرەك. اۋرۋدىڭ جەڭىل ءتۇرى كەزىندە ىستىق تۇسىرەتىن ءدارى ىشكەن ءجون. دەنە قىزۋى كوتەرىلگەندە تەك قانا پاراتسەتومول ىشۋگە كەڭەس بەرىلەدى. ەگەر ادامدا وكپە قابىنۋى بولسا، وندا بۇل سيمپتومسىز ءتۇرى ەمەس. بۇل كلينيكالىق ءتۇرى جانە ءدارىنى دارىگەر بەلگىلەيدى»، - دەدى ول.
ونىڭ اتاپ وتۋىنشە، وكپە قابىنۋى اسقىنىپ كەتكەن سيمپتومسىز پاتسيەنتتەردىڭ شامامەن 3 پايىزى ستاتسيونارعا جاتقىزىلادى. جالپى، وكپە قابىنۋى 7 كۇننىڭ ىشىندە بەلگىلى بولادى. ال ودان كەيىن دەنە قىزۋى كوتەرىلىپ، جوتەل پايدا بولا باستايدى.
«ءار ادامدا ءارتۇرلى بولۋى مۇمكىن. 7 كۇننەن كەيىن دە وكپە قابىنۋى بەلگىلەرى پايدا بولىپ جاتادى. وكپە قابىنۋى بەلگىلەرى بايقالعان كەزدە مىندەتتە تۇردە ميكروترومبىلاردىڭ قالىپتاسۋىن باقىلايتىن باكتەرياعا قارسى تەراپياعا قوسىلۋ قاجەت. مەنىڭشە، بۇل وتە دۇرىس ءادىس. ويتكەنى، وكپە قابىنۋىنىڭ العاشقى ساتىسىنداعى پاتسيەنت باقىلاۋعا الىنىپ، ەمدەلە باستايدى»، - دەدى ماحاببات بەكبوسىنوۆا.
اۆتور: مارلان جيەمباي