بەيسەن قۇرانبەكتىڭ اناسى ومىردەن وزدى
08:54, 26 - ماۋسىم 2020
نۇر-سۇلتان. قازاقپارات - بۇگىن مارقۇم بەيسەن قۇرانبەكتىڭ اناسى قايتىس بولدى.
بۇل تۋرالى جۋرناليست ءومىرجان ءابدىحالىق ۇلى Facebook-تەگى پاراقشاسىندا جازدى.
«بەيسەن قۇرانبەكتىڭ تۋعان شەشەسى دۇنيەدەن وزدى دەگەن سۋىق حابار كەلدى. قۇرانبەك اۋلەتىنە اللا سابىر بەرسىن! اعايدىڭ ارتىنان دۇنيەگە اكەلگەن اناسى دا اتتانىپتى. اعايىن-تۋىستارى، جەكجات-جۇراعاتتارىنا قايعىرىپ كوڭىل ايتامىز! انا جۇرەك توقتاپتى! بارشا قۇرانبەك اۋلەتىنە اللا ۇلكەن سابىر بەرسىن!»، - دەپ جازدى جۋرناليست.
جۋرناليست ماقسات تولىقباي دا ءوزىنىڭ Instagram پاراقشاسىندا قۇرانبەك اۋلەتىنە كوڭىل ايتتى.
«بەيسەن قۇرانبەك اعامىزدىڭ اناسى ومىردەن وزىپتى. الدىنان جارىلقاسىن! قۇرانبەك اۋلەتىنە، جەكجات-جۇراعاتتارىنا قايعىرىپ كوڭىل ايتامىز»، - دەلىنگەن جازبادا.