«الەۋمەتتىك تولەم جايىندا ايتىپ جاتىرمىن عوي. ونىڭ ءبارى قاجەتتىلىك. بۇل كومەكتى مەملەكەت كورسەتۋ كەرەك، مولشەرى دە كوپ جاعدايدا جەتكىلىكتى ەمەس شىعار. ءبىراق، مۇنىڭ ءبارى نەدەن تۋىندايدى؟ جالپى، حالىقتىڭ تابىسى كوپ ەمەس، تومەن. مىسالى، ءبىزدىڭ ساراپتاماعا سايكەس، ءبىر ادامعا شاققاندا حالىقتىڭ تابىسى 59 مىڭ تەڭگەدەن اسپاي وتىر. ونىڭ ءبارى ەڭ الدىمەن جالاقىدان شىعادى. سەبەبى جالاقى الىپ جۇرگەن ازاماتتاردىڭ ارقاسىندا الەۋمەتتىك تولەمدەر بەرىپ جاتىرمىز. كەزىندە مارگارەت تەتچەر ايتقانداي، «مەملەكەتتىك بيۋدجەت دەگەن تۇسىنىك جوق. ول سالىق تولەۋشىلەردىڭ اقشاسى». سوندىقتان جۇمىس ىستەپ جۇرگەن ازاماتتاردى قولداۋىمىز كەرەك. ءبىراق، بىزدە وكىنىشكە قاراي رەسمي ستاتيستيكا بويىنشا ورتاشا جالاقى 200 مىڭ تەڭگەدەن اسپاي تۇر»، - دەدى ول ورتالىق كوممۋنيكاتسيالار قىزمەتىندە ونلاين رەجيمدە وتكەن حالىققا ەسەپ بەرۋ كەزدەسۋى بارىسىندا.
الايدا، ءمينيستردىڭ ايتۋىنشا، جۇمىس ىستەپ جۇرگەن ازاماتتاردىڭ 77 پايىزى 200 مىڭ تەڭگەدەن دە تومەن جالاقى الادى. «ءار سالادا ءارتۇرلى. اۋىل شارۋاشىلىعىندا 105 مىڭ تەڭگەدەن اسپاي وتىر. ءار وبلىستا دا ءارتۇرلى. مىسالى، سولتۇستىك قازاقستان، جامبىل، تۇركىستان وبلىستارىندا ورتاشا جالاقى 140-145 مىڭ تەڭگەدەن اسپايدى. سوندىقتان نە ىستەۋ كەرەك، نە ىستەلدى؟ بىرىنشىدەن، 1 ميلليون 300 مىڭداي قىزمەتشى جۇمىس ىستەيتىن بيۋدجەتتىك سالادا ماۋسىم ايىندا جالاقى ورتاشا ەسەپپەن 30 پايىزعا كوتەرىلدى. وسى جىلدىڭ باسىنان دارىگەرلەرگە، مۇعالىمدەرگە، الەۋمەتتىك، مادەنيەت سالاسى قىزمەتكەرلەرىنە 25-تەن 60 پايىزعا دەيىن جالاقى ءوستى. ال جەكە سەكتوردا قالاي بولۋى كەرەك؟ جەكە سەكتوردا 5,5 ميلليون ادام جۇمىس ىستەپ جاتىر. بۇل جەردە جالاقى مولشەرى جۇمىس بەرۋشىنىڭ قۇزىرىنا كىرەدى»، - دەدى مينيستر.
ونىڭ اتاپ وتۋىنشە، وتكەن جىلى پرەزيدەنت ۇندەۋىنەن كەيىن جەكە سەكتورداعى 1,2 ميلليون ادامنىڭ جالاقىسى 32-33 پايىزعا كوبەيتىلگەن. ءبىراق، بۇل دا بۇكىل ماسەلەنى شەشىپ وتىرعان جوق. «جالاقى مولشەرىن بەلگىلەۋ جۇمىس بەرۋشىنىڭ قۇزىرىندا دەگەنىمىزبەن ەڭ تومەنگى جالاقى مەملەكەت تاراپىنان رەتتەلەدى. بىلتىردان بەرى بىزدە ەڭ تومەنگى جالاقى 42500 تەڭگەنى قۇرايدى. مۇنىڭ ءوزى دە از. سوندىقتان ونى كوتەرۋ بۇگىنگى كۇنى وتە ماڭىزدى. قازىرگى داعدارىس كەزىندە بۇل بيۋدجەت شىعىندارىن قاجەت ەتەدى، قيىنداۋ بولادى. الداعى جىلدارى ءبىز ونى كەزەڭمەن ارتتىرامىز»، - دەدى ءبىرجان نۇرىمبەتوۆ.