ءۇندىستاندا كوروناۆيرۋس جۇقتىرعاندار سانى كۇرت ارتتى

نۇر-سۇلتان. قازاقپارات - ءۇندىستاندا سوڭعى ءبىر تاۋلىكتە 15 مىڭ 900 دەن استام ادام ۆيرۋس جۇقتىردى، دەپ حابارلايدى قازاقپارات حابار.24.kz سايتىنا سىلتەمە جاساپ.

جالپى ەلدە ناۋقاستار سانى 461 مىڭنان اسىپ كەتتى. ناۋقاستاردىڭ ۇشتەن ءبىر بولىگى ماحاراشترا شتاتىنىڭ تۇرعىنى. سونداي-اق نيۋ-دەلي جانە تاميلناد شتاتىندا دا ەپيدەميولوگيالىق احۋال ءماز ەمەس.

جەرگىلىكتى بيلىك وكىلدەرىنىڭ بولجاۋىنشا، تەك نيۋ-دەليدىڭ وزىندە شىلدە ايىنىڭ سوڭىندا ناۋقاستار سانى 550 مىڭنان اسىپ كەتۋى مۇمكىن.

دجون حوپكينس ۋنيۆەرسيتەتىنىڭ مالىمەتىنشە، ءۇندىستان كوروناۆيرۋستى جۇقتىرعانداردىڭ سانى بويىنشا الەمدە ءتورتىنشى ورىندا تۇر.