سوعىس ارداگەرلەرىنىڭ ەرلىگى ەسىمىزدە ماڭگى ساقتالادى - قاسىم-جومارت توقايەۆ
مەملەكەت باسشىسى بۇل جايىندا Instagram پاراقشاسىندا جازدى، دەپ حابارلايدى قازاقپارات.
«رەسەي پرەزيدەنتى ۆ. پۋتيننىڭ شاقىرۋىمەن ماسكەۋدەگى ۇلى جەڭىستىڭ 75 جىلدىعىنا ارنالعان اسكەري پارادقا قاتىستىم. قىزىل الاڭنان ءجۇرىپ وتكەن اسكەري توپتاردىڭ اراسىندا قازاقستان قارۋلى كۇشتەرىنىڭ دەسانتتىق شابۋىلداۋشى اسكەري ءبولىمىنىڭ قىزمەتشىلەرى دە بولدى. ۇلى وتان سوعىسى كەزىندە قازا بولعان جاۋىنگەرلەرگە قۇرمەت رەتىندە كرەملدىڭ ىرگەسىندەگى «بەلگىسىز سولدات» قابىرىنە گۇل شوعىن قويدىم. ولاردىڭ ەرلىگى ءبىزدىڭ ەسىمىزدە ماڭگى ساقتالادى» دەپ جازادى قاسىم-جومارت توقايەۆ.
ەسكە سالا كەتەيىك، كەشە مەملەكەت باسشىسى قاسىم-جومارت توقايەۆ رەسەي فەدەراتسياسىنىڭ پرەزيدەنتى ۆلاديمير پۋتيننىڭ شاقىرۋىمەن ماسكەۋگە باردى. ماسكەۋدە ەكىنشى دۇنيەجۇزىلىك سوعىستاعى جەڭىستىڭ 75 جىلدىعىنا وراي اسكەري شەرۋ ءوتتى. قازاقستان پرەزيدەنتى قاسىم-جومارت توقايەۆ قىزىل الاڭدا وتكەن جەڭىس پارادىنا قاتىسىپ، «بەلگىسىز سولدات» قابىرىنە گۇل شوعىن قويدى.