نۇر-سۇلتان اكىمدىگى حالىقتى ءدارى-دارمەكپەن ۇزدىكسىز قامتاماسىز ەتۋدى تاپسىردى
اكىمدىك قالالىق ءدارىحانالاردا ۆيرۋسقا قارسى ءدارى-دارمەكتەردىڭ بولۋىن ۇنەمى قاداعالاپ وتىرادى. ەلوردادا كوروناۆيرۋس ينفەكتسياسى جاعدايلارىنىڭ كوبەيۋىنە بايلانىستى ۆيرۋستىق ينفەكتسيالىق اۋرۋلاردىڭ الدىن- الۋ ءۇشىن قاجەتتى ءدارى- دارمەكپەن قامتاماسىز ەتۋگە ەرەكشە نازار اۋدارۋ قاجەت.
«ەلوردالىق ءدارىحانالاردا تۇرعىندارعا قاجەتتى بارلىق ءدارى- دارمەك بولۋى كەرەك. ءدارى- دارمەكتىڭ نەگىزگى اسسورتيمەنتىنىڭ بولۋىن باقىلاۋ قاجەت. ءدارىحانالارعا ءدارىنى ۋاقتىلى جانە جەتكىلىكتى مولشەردە ساتىپ الۋ كەرەك»، - دەدى نۇر-سۇلتان اكىمىنىڭ ورىنباسارى باقتيار ماكەن ءدارىحانا جەلىلەرى باسشىلارىمەن ونلاين- كەزدەسۋدە.
«ءبىز كوتەرمە ءدارىحانا ۇيىمدارىنا نۇر- سۇلتان قالاسىنىڭ ءدارىحانالىق ۇيىمدارىنا ءدارى- دارمەك پەن مەديتسينالىق ماقساتتاعى بۇيىمداردى ۇزدىكسىز جەتكىزۋدى ۇيىمداستىرۋدى تاپسىرامىز»، - دەپ اتاپ ءوتتى ب. ماكەن.
«نۇر-سۇلتان قالاسىنىڭ فارماتسيەۆتيكالىق اسسوتسياتسياسى» زاڭدى تۇلعالار قوعامدىق بىرلەستىگىنىڭ ديرەكتورى گۇلناراي المۋرزينانىڭ ايتۋىنشا، كەيبىر ءدارى- دارمەكتىڭ تاپشىلىعى بايقالادى.
«وتكەن اپتادان باستاپ قالا تۇرعىندارى ۆيرۋسقا قارسى پرەپاراتتار، ازيتروميتسين انتيبيوتيكتەرىن ساتىپ الدى. ءبىز اناليز جۇرگىزىپ، ءدارى- دارمەكتىڭ 41 اتاۋى كورسەتىلگەن كەستە قۇردىق. مەملەكەتتىك اگەنتتىكتىڭ ءدارى- دارمەكتى حالىققا قانشا مولشەردە تاراتۋعا بولاتىنى تۋرالى مەموراندۋمعا قول قوياتىن بولدىق. ال انتيبيوتيكتەر مەن رەتسەپت بويىنشا ءدارى-دارمەك بۇرىنعىداي دارىگەردىڭ نۇسقاۋىمەن عانا ساتىلادى»، - دەدى گ. المۋرزينا.
سونىمەن بىرگە، ول دەنە قىزۋىن تۇسىرەتىن ءدارى- دارمەك جەتىسپەۋشىلىگىن ەسكەرە وتىرىپ، ولاردىڭ بالاما نۇسقاسى بار ەكەنىنە نازار اۋداردى: «پانادول»، «ەفەرالگان»، «يبۋپروفەن»، «يبۋفەن»، «ميگ»، «نوۆيگان» - ولار ءدارىحانادا بار. 24-ماۋسىمداعى جاعداي بويىنشا، قالادا كوروناۆيرۋس جۇقتىرۋدىڭ 3484 جاعدايى تىركەلگەن. ونىڭ ىشىندە 2501 ناۋقاس (i) ەمدەلىپ شىقتى جانە 38 ءولىم جاعدايى (%1,1) ورىن الدى.
كۇندەلىكتى پنيەۆمونيامەن اۋرۋحاناعا تۇسەتىن ناۋقاستاردىڭ سانى ارتتى، ولاردىڭ ءار ەكىنشىسى ۆيرۋستىق پنيەۆمونيا. ونىڭ 90 ىنىڭ جاعدايى ورتاشا اۋىر. وسىعان بايلانىستى مەديتسينالىق ۇيىمدار مەن دارىگەرلەرگە اۋىر جۇمىس جۇكتەلەدى. اكىمنىڭ ورىنباسارى ازاماتتاردى كوروناۆيرۋس ينفەكسياسىن جۇقتىرماس ءۇشىن قاتاڭ سانيتارلىق قاۋىپسىزدىك شارالارىن ساقتاۋعا شاقىردى: ماسكا، قولعاپ كيىپ، قولدى سابىنمەن ءجيى جۋىپ، الەۋمەتتىك قاشىقتىق ساقتاۋ قاجەت.