ەر ادام قۇنى 386 مىڭ تەڭگە بولاتىن ۇيالى تەلەفوندى دۇكەنگە كەلۋشىنىڭ قالتاسىنان بايقاتپاي الىپ شىققان. ارتىنشا وقيعا ورنىنان جاسىرىنعان. دەگەنمەن ول ۆيدەوباقىلاۋ كامەراسىنا ءتۇسىپ قالعان.
پوليتسيا كۇدىكتىنى ۇستادى. 37 جاستاعى ەر ادامنىڭ وسىعان دەيىن ۇرلىق ءۇشىن 7 رەت سوتتى بولعانى انىقتالدى. سونداي-اق، ونىڭ 17 رەت قىلمىستىق جاۋاپكەرشىلىككە تارتىلعانى بەلگىلى بولدى.
«ول تاياۋدا باس بوستاندىعىنان ايىرۋ مەكەمەسىنەن بوساپ شىقتى. دەگەنمەن، وعان قاراماستان، ەر ادام تاعى دا ۇرلىققا بارعان. وسى جاعدايعا قاتىستى ق ر قىلمىستىق كودەكسىنىڭ 188-بابى بويىنشا سوتقا دەيىنگى تەرگەۋ ءجۇرىپ جاتىر. ۇستالعان ەر ادام ۋاقىتشا ۇستاۋ يزولياتورىنا قامالدى»، - دەدى پوليتسەيلەر.