احۋال قيىنداسا، حالىق ارەنا جانە الماتى ارەنا سارايلارىندا ينفەكسيالىق ستاتسيونار اشىلادى
بۇل تۋرالى بۇگىن ونلاين بريفينگ كەزىندە قالالىق قوعامدىق دەنساۋلىق باسقارماسىنىڭ باسشىسى كامالجان نادىروۆ ايتتى، دەپ حابارلايدى قازاقپارات ءتىلشىسى.
«ستاتسيونارلارعا كەلىپ جاتقاندار سانى ارتىپ كەلەدى. توسەك-ورىندارىنىڭ تاپشىلىعى بايقالىپ جاتىر. بۇگىندە پروۆيزورلىق توسەك- ورىندار � عا جۇكتەلگەن، ينفەكسيالىق توسەك-ورىندار � عا جۇكتەلگەن. ەگەر ەپيدەميولوگيالىق احۋال قيىنداي تۇسسە، HalykArena بازاسىندا 500 ورىن اشۋدى قاراستىرۋدامىز. سونداي-اق، ءبىز 150 توسەك-ورىنعا ارنالعان «تەمىرجول اۋرۋحاناسى» ا ق گوسپيتالى بازاسىندا جۇقپالى اۋرۋلار ستاتسيونارىن اشاتىن بولامىز. وسىلايشا، جۇقپالى اۋرۋلارعا ارنالعان 1940 توسەك-ورىنعا قوسىمشا تاعى 650 ورىن اشىلاتىن بولادى. جاعداي ودان ءارى ۋشىققان جاعدايدا، «HalykArena» بازاسىنداعى توسەك-ورىندار سانىن 300 توسەك- ورىنعا كوبەيتۋ مۇمكىندىگى بار. سول سياقتى «AlmatyArena» بازاسىندا دا ستاتسيونار اشۋعا بولادى. وسىنىڭ بارلىعى ەسەپتەگەندە، 3700 گە دەيىن جۇقپالى اۋرۋلار ورنىن، پروۆيزورلىق توسەك-ورىندارىن 1000 عا دەيىن اشۋعا مۇمكىندىك بەرەدى. سونىمەن قاتار، ءبىز جاتاقحانالار بازاسىندا پروۆيزورلىق جانە جۇقپالى اۋرۋلار توسەك-ورىندارىن اشۋ ماسەلەسىن قاراستىراتىن بولامىز»، - دەدى كامالجان نادىروۆ.
ول نەلىكتەن سپورت نىساندارى تاڭدالعانىن ايتتى.
«ءبىز قالاداعى بارلىق بوس ورىنداردىڭ ينسپەكسياسىن جۇرگىزدىك. ينفەكسيالىق ستاتسيونار بولۋ ءۇشىن ءبىرقاتار تالاپتارى بار. بۇل عيماراتتاردى دەزينفەكسيالىق وڭدەۋگە بولادى. سونداي-اق، جەلدەتۋ جۇيەسى جاقسى»، - دەدى ول. قازىر ۋاقىتتا دارىگەرلەر مەن مەيىربيكەلەر بريگاداسى قۇرىلىپ جاتىر.