قازاقستاندا جەڭىلدەتىلگەن نەسيە بەرۋ مۇمكىندىكتەرى كەڭەيتىلۋدە - ۇكىمەت

فوتو: None
نۇر-سۇلتان. قازاقپارات - قازاقستاندا جەڭىلدەتىلگەن نەسيە بەرۋدى كەڭەيتۋ بويىنشا ءبىرقاتار شارا قابىلداندى، دەپ حابارلايدى قازاقپارات ءتىلشىسى.

«بيزنەستىڭ جول كارتاسى-2025» جانە «قاراپايىم زاتتار ەكونوميكاسى» باعدارلامالارى بويىنشا كاسىپكەرلەر ءۇشىن قارىز قاراجاتىنىڭ سوڭعى قۇنى قازىر ەندى %6 دى قۇرايدى.

«بيزنەستىڭ جول كارتاسى-2025» باعدارلاماسى بويىنشا نەسيە كولەمى 7 ميلليارد تەڭگەگە دەيىن ۇلعايتىلدى. سۋبسيديالاۋ مەرزىمى 5 جىلدى قۇرايدى. «قاراپايىم زاتتار ەكونوميكاسى» بويىنشا نەسيە سوماسى شەكتەلمەيدى. ال سۋبسيديالاۋ مەرزىمى 10 جىل»، - دەدى ۇلتتىق ەكونوميكا ءمينيسترى رۋسلان دالەنوۆ ۇكىمەت وتىرىسىندا.

ونىڭ ايتۋىنشا كەپىلدىك بەرۋ قۇرالى جاقسارتىلعان. «بيزنەستىڭ جول كارتاسى-2025» باعدارلاماسى بويىنشا كەپىلدىكتەر قارىز سوماسىنىڭ �- ىن قۇراۋى مۇمكىن. «قاراپايىم زاتتار ەكونوميكاسى» بويىنشا كەپىلدىك نەسيە سوماسىنىڭ P دى قۇرايدى.

«بيزنەستىڭ جول كارتاسى-2025» باعدارلاماسى اياسىندا سالالىق شەكتەۋلەر الىنىپ تاستالدى. بۇل شاعىن جانە ورتا بيزنەسكە قىزمەت تۇرىنە قاراماستان باعدارلاماعا قاتىسۋشى بولۋعا جانە جەڭىلدەتىلگەن قارجى الۋعا مۇمكىندىك بەرەدى. «قاراپايىم زاتتار ەكونوميكاسى» باعدارلاماسى بويىنشا تاۋارلار مەن قىزمەتتەر ءتىزىمى ايتارلىقتاي كەڭەيتىلدى. وسى باعدارلاما بويىنشا نەسيەلەۋدىڭ جالپى كولەمى 1 تريلليون تەڭگەگە دەيىن ۇلعايدى»، - دەدى ول.

رۋسلان دالەنوۆ سونىمەن قاتار ۇلتتىق بانك شاعىن جانە ورتا بيزنەسكە، ونىڭ ىشىندە جەكە كاسىپكەرلەرگە سالالىق شەكتەۋسىز جەڭىلدەتىلگەن نەسيە بەرۋ باعدارلاماسىن ىسكە قوسقانىن ايتىپ ءوتتى.

«نەسيە اينالىم قاراجاتتى تولىقتىرۋعا 1 جىلعا %8 بەن بەرىلەدى. بۇل باعدارلاماعا 600 ميلليارد تەڭگە بولىنەدى. جالپى، نەسيەلەۋدى ۇلعايتۋ ءۇشىن كوپتەگەن شەكتەۋلەر الىندى. تەتىكتەر جەڭىلدەتىلىپ، قاراجات كولەمى ۇلعايتىلدى»، - دەيدى ۇلتتىق ەكونوميكا ءمينيسترى.