جاپونيادا كوروناۆيرۋستى جىلدام انىقتاۋعا ارنالعان تەست ازىرلەندى

نۇر-سۇلتان. قازاقپارات - جاپونيالىق Shionogi فارماتسيەۆتيكا كومپانياسىنىڭ ماماندارى كوروناۆيرۋستى قاراپايىم ءارى جىلدام انىقتاۋعا ارنالعان تەست ازىرلەگەن ءۇش ۋنيۆەرسيتەتپەن ليسەنزيالىق كەلىسىم جاساسقانى تۋرالى رەسمي تۇردە حابارلادى.

جاڭا ادىستەمەنى نيحون ۋنيۆەرسيتەتى، گۋمما ۋنيۆەرسيتەتى جانە توكيو مەديتسينالىق ۋنيۆەرسيتەتىنىڭ بىرلەسكەن زەرتتەۋشىلەر توبى ازىرلەگەن. تەست سىلەكەي سىناماسىنا نەگىزدەلگەن. ول 30 مينۋت ىشىندە كۇردەلى قوندىرعىلار مەن كاسىبي دارىگەرلەردىڭ قاتىسۋىنسىز ينفەكسيانى انىقتاۋعا مۇمكىندىك بەرەدى. Shionogi ەڭ الدىمەن بۇل قاراپايىم تەستىلەۋ جۇيەسىن جاپونياعا شەتەلدەن كەلگەن جولاۋشىلاردى تەكسەرۋگە ارناعىسى كەلىپ وتىر.

www.24.kz