وسىعان وراي قازاقستاننىڭ كولىكتەگى باس سانيتارلىق دارىگەرى ءسادۋاقاس بايعابىلوۆ شەتەلدەن كەلگەن ازاماتتار قانداي ەرەجەلەرى ساقتاۋ تيىستىگىن ءتۇسىندىرىپ بەردى، دەپ حابارلايدى قازاقپارات ءتىلشىسى.
«اۋە رەيستەرى ەلدەردىڭ ساناتىن ەسكەر وتىرىپ، كەزەڭ- كەزەڭىمەن قايتا جاندانادى. ءبىرىنشى ساناتقا وڭتۇستىك كورەيا، جاپونيا، گرۋزيا، تايلاند جانە قىتاي حالىق رەسپۋبليكاسى كىرەدى. ازىرشە قىتايعا اۋە رەيستەرى اشىلمايدى، كەيىنگە قالدىردىق. سەبەبى بۇل ەلدە اۋرۋعا شالدىعۋدىڭ ەكىنشى تولقىنى ءجۇرىپ جاتىر. ءبىرىنشى ساناتقا كىرەتىن ەلدەرگە شەكتەۋ جوق. بۇل ەلدەردە جاعداي تۇراقتى. سول سەبەپتى ازاماتتاردان تەرمومەتريا مەن ساۋالنامادان عانا وتەدى دەگەن شەشىم قابىلدانعان»، - دەدى ول.
ونىڭ اتاپ وتۋىنشە، ەكىنشى ساناتتاعى ەلدەردىڭ قاتارىنا تۇركيا كىرەدى. بۇل ەلدەن كەلگەن جولاۋشىلاردىڭ قولىندا كوروناۆيرۋس ينفەكسياسىنا تەست تاپسىرعانى تۋرالى انىقتاماسى بولۋى ءتيىس. ال انىقتاماسى جوق ازاماتتارعا 48 ساعاتتىڭ ىشىندە پ ت ر ادىسىمەن تەست تاپسىرۋ تۋرالى ەسكەرتۋ بەرىلەدى. ەگەر ازامات وسى ۋاقىتتىڭ ىشىندە اتالعان تەستىنى تاپسىرماسا، وندا اكىمشىلىك شارا قولدانىلادى.
ءۇشىنشى ساناتقا كىرەتىن ازەربايجان، ۇلى بريتانيا، يراك، ا ق ش، چەحيا سىندا ەلدەرگە ازىرشە ۇشاق ۇشپايدى. سەبەبى بۇل ەلدەردەگى احۋال تۇراقسىز.
«20 - ماۋسىمنان باستاپ تۇركيامەن ارادا اۋە رەيستەرى اشىلىپ، وسى ۋاقىتتا 6 رەيس ورىنالدى. بۇل كۇندەرى ەلىمىزگە شامامەن 905 جولاۋشى كەلدى. ولاردىڭ ىشىندە 203 جولاۋشىدا كوروناۆيرۋس ينفەكسياسىنا تەستىدەن وتكەندىگى تۋرالى انىقتاماسى بولدى. قالعان جولاۋشىلارعا كوروناۆيرۋستى انىقتايتىن تەستەن ءوتۋ قاجەتتىگى تۋرالى ەسكەرتۋ بەرىلدى. بۇعان قوسا، كەلگەن ازاماتتاردىڭ بارلىعىنىڭ دەنە قىزۋى ولشەنىپ، ساۋالناما تولتىرىلدى. ساۋالناما كەلۋشىلەردىڭ ءبىرى اۋىرىپ قالعان جاعدايدا ونىمەن بايلانىستا بولعان ادامداردى تەز ارادا انىقتاۋ ءۇشىن جۇرگىزىلەدى. الداعى ۋاقىتتا ەپيدەميولوگيالىق احۋال جاقساراتىن بولسا، وندا وزگە ەلدەرمەن اراداعى اۋە رەيستەرىن قايتا اشۋ ماسەلەسى قاراستىرىلادى»، - دەدى ءسادۋاقاس بايعابىلوۆ.
قازاقستاننىڭ كولىكتەگى باس سانيتار دارىگەرى اۋە كولىگىمەن كەلگەن جولاۋشىدا دەنە قىزۋى بولسا 14 كۇنگە وقشاۋلاناتىنىن ءارى ستايتسيونارلىق كارانتينگە جاتقىزىلاتىنىن ايتتى.
اۆتور: مارلان جيەمباي