ۇلتتىق وليمپيادا كوميتەتى تيمۋر قۇلىبايەۆقا كوڭىل ايتتى
16:31, 22 - ماۋسىم 2020
نۇر-سۇلتان. قازاقپارات - قازاقستان ۇلتتىق وليمپيادا كوميتەتى تيمۋر قۇلىبايەۆقا اناسى رايسا الدابەرگەن قىزى قۇلىبايەۆانىڭ ومىردەن وتۋىنە بايلانىستى قايعىرىپ كوڭىل ايتتى، دەپ حابارلايدى قازاقپارات.
«قادىرلى تيمۋر اسقار ۇلى! ءبىز ورنى تولماس قايعىڭىزعا ورتاقپىز. رايسا الدابەرگەن قىزىن بىلەتىن جاندار ونىڭ جۇرەگى مەيىرىمگە تولى، اقجارقىن ادام بولعانىن ايتادى. ومىردەگى ەڭ اسىل ادام - اياۋلى انانى جوعالتۋ ەشكىمگە دە وڭاي سوقپايدى. وسىنداي قيىن ساتتە ءسىزدىڭ قايعىڭىزعا ورتاقتاسىپ، قولداۋ كورسەتكىمىز كەلەدى. اناڭىز جايلى جارقىن ەستەلىكتەر مەن ونىمەن بىرگە وتكىزگەن ساتتەرىڭىز ءارقاشان جۇرەك تورىندە بولارى انىق. وليمپيادالىق وتباسى ءسىزدىڭ جانۇياداعى اۋىر قازاعا ورتاقتاسادى» دەلىنگەن كوميتەت تاراتقان حابارلامادا.