گەننادي گولوۆكين كەزەكتى جەكپە-جەگىن قازاقستاندا وتكىزگىسى كەلەدى
«ارينە، قازاق حالقى مۇنداي كەشتى ءوز «ۇيلەرىندە» وتكىزۋگە ابدەن لايىق. ولار ا ق ش- تاعىداي كەرەمەت، ۇلكەن شوۋدى جوعارى دەڭگەيدە كورۋ مۇمكىندىگىنە يە بولۋى كەرەك. حالىق بۇعان لايىق دەپ سانايمىن. مۇنداي شوۋدان اسەر الىپ تاماشالاۋعا مۇمكىندىك بەرۋ ءۇشىن ونى ۇيىمداستىرۋ قاجەت. مەن «ارينە، ءيا» دەپ ايتار ەدىم. بۇل ماسەلەدە ماعان كوپ نارسە بايلانىستى ەمەس. ەگەر مۇنداي مۇمكىندىك بولا قالسا، مەن قۋانا-قۋانا ونى جاسار ەدىم»، - دەپ پىكىرىن ءبىلدىردى گەننادي گولوۆكين.
گولوۆكيننىڭ سۇحباتى Matchroom Boxing YouTube كانالىنا سالىنعان. جۇرگىزۋشى كريس للويد اۋدارماشى ارقىلى GGG گە دجوناتون بەنكسپەن بىرگە جاتتىعۋدان باستاپ، بيگ بەنكستەگى لاگەر، ونىڭ وتباسىلىق ءومىرى جانە بولاشاققا ارنالعان جوسپارلارىنا قاتىستى بىرنەشە سۇراق قويدى. ءبىر اي بۇرىن گەننادي گولوۆكين كارانتيننەن كەيىن ءبىرىنشى كەزەكتە نە ىستەيتىنىن ايتقان بولاتىن.
«كارانتيننەن كەيىن ءبىرىنشى كەزەكتە بوكس زالىنا بارامىن»، - دەپ جازعان ەدى گەننادي گولوۆكين ءوزىنىڭ Instagram پاراقشاسىندا.
كەيىننەن گولوۆكيننىڭ (40-1-1، 35 ك و) سوپروموۋتەرى ەددي حيرن قازاقستاندىق بوكسشى كەلەسى جەكپە-جەگىن قاشان وتكىزەتىنىن حابارلاعان ەدى.