بۇل تۋرالى Yonhap اگەنتتىگىنە سىلتەمە جاساپ قازاقپارات حابارلايدى.
وقيعا سەۋلدىڭ پحەنيانعا قارسى ناسيحات ءۇنپاراقتار تاراتقانى ءۇشىن ك ح د ر-دىڭ كۇن سايىن قورقىتۋىنان باستالدى. كورەيا رەسپۋبليكاسىنىڭ بىرلەسۋ مينيسترلىگى ك ح د ر بايلانىس كەڭسەسىن جەرگىلىكتى ۋاقىت بويىنشا ساعات 14:49-دا جارعانىن حابارلادى.
بۇعان دەيىن اسكەري دەرەككوزدەر كەسون قالاسىندا ءتۇتىن بايقالىپ، جارىلىس ەستىلگەنىن مالىمدەگەن.
بۇدان بىرنەشە كۇن بۇرىن ك ح د ر كوشباسشىسىنىڭ كىشى قارىنداسى كيم ە چجون سەنبى كۇنى كەشكە بۇكىل الەمنىڭ ك ح د ر مەن وڭتۇستىك كورەيا اراسىنداعى بايلانىس كەڭسەسىنىڭ مانسىزدىگىنە كوز جەتكىزەتىنىن ايتتى. شەنەۋنىكتەردىڭ ايتۋىنشا، جارىلىستان كەيىن وڭتۇستىك كورەيا شەكاراداعى كۇزەتىن كۇشەيتىپ، اسكەرىن جوعارى ازىرلىك دەڭگەيىنە كەلتىردى.