ا ق ش پەن ەۋروپادا قور بيرجاسىنىڭ يندەكستەرى كۇرت تومەندەدى

نۇر-سۇلتان. قازاقپارات - ەۋروپانىڭ قور نارىعىندا باعا بەلگىلەرى تومەندەدى.

باتىس ەۋروپانىڭ STOXX Europe 600 كومپانيالار يندەكسى - 4 پايىزدان اسا، نەمىستىڭ DAX- ى - 2,8 پايىزعا، فرانسيالىق CAC-40 - 4,6 پايىزعا، بريتاندىق FTSE - 4 پايىزعا قۇلديلادى. بۇل جونىندە Euronews.com اگەنتتىگىنە سىلتەمە جاساپ قازاقپارات حابارلايدى.

نيۋ-يورك قور بيرجاسىنىڭ باستى يندەكستەرى نارىق قاتىسۋشىلارىنىڭ كوروناۆيرۋستىڭ ەكىنشى تولقىنىنان قورقۋى سەبەبىمەن كۇرت تومەندەگەن. Dow Jones ونەركاسىپ يندەكسى 7 پايىزدان استام جوعالتقان - بۇل ول ءۇشىن سوڭعى ءۇش ايداعى ەڭ ناشار كۇن.

قۇرامىنا ەڭ ءىرى 500 كومپانيالار كىرەتىن S- P 500 يندەكسى 6 پايىزداي تومەندەگەن. Nasdaq ەلەكتروندى بيرجاسىنىڭ يندەكسى 2 پايىزدان استام تومەندەدى. ەڭ قاتتى تومەندەگەن - اۋە جەلىلەرى، كرۋيز وپەراتورلارى مەن تۋروپەراتورلار، سونداي-اق ەنەرگەتيكالىق سەكتوردىڭ باعا بەلگىلەرى. نارىق اناليتيكتەرى ينۆەستورلاردىڭ كوڭىل-كۇيىنە فلوريدا، تەحاس جانە كاليفورنيا شتاتتارىندا كوروناۆيرۋس جۇقتىرۋ فاكتىلەرىنىڭ كوبەيگەنى تۋرالى مالىمەتتەر اسەر ەتكەنىن ايتىپ وتىر.

تاياۋدا ا ق ش-تىڭ فەدەرالدىق قور جۇيەسى ەكونوميكانى قالپىنا كەلتىرۋ ۇزاق ۋاقىتقا سوزىلاتىنىن جانە ىندەتتىڭ ەكىنشى تولقىنى باستالسا، كارانتيندى قايتا ەنگىزۋگە بولمايتىنىن مالىمدەدى.

وتكەن اپتادا ساۋدا بيرجاسىنا جۇمىسسىزدىق بويىنشا جاردەماقىنى 1,5 ميلليون ادام سۇراپ كەلدى. ف ق ج بولجامىنشا، ا ق ش- تىڭ جالپى ىشكى ءونىمى بيىل 6,5 پايىزعا تومەندەپ، جۇمىسسىزدىق دەڭگەيى 9.3 پايىزدى قۇرايدى. قازىرگى كەزدە كورسەتكىش - 13.3 پايىز.