قازاقستان مەن قىرعىزستان بارلىق شەكارا بەكەتتەرىن اشاتىن بولىپ كەلىستى

نۇر-سۇلتان. قازاقپارات - قازاقستان رەسپۋبليكاسىنىڭ پرەمەر- ءمينيسترى اسقار مامين قىرعىزستان رەسپۋبليكاسىنىڭ پرەمەر-ءمينيسترى مۋحاممەدكالىي ابىلگازيەۆپەن تەلەفون ارقىلى سويلەستى، دەپ حابارلايدى primeminister.kz.

اڭگىمەلەسۋ بارىسىندا قازاقستان-قىرعىزستان مەملەكەتتىك شەكاراسىندا بارلىق وتكىزۋ بەكەتتەرىن اشۋ جانە ەكى ەل اراسىنداعى كەدەرگىسىز جۇك تاسىمالدارىن قامتاماسىز ەتۋ تۋرالى ۋاعدالاستىققا قول جەتكىزىلدى. سونىمەن قاتار ەكى تاراپ كوروناۆيرۋس ينفەكسياسىنىڭ تارالۋىنا قارسى كۇرەستەگى جانە حالىقتى COVID-19-دان قورعاۋداعى ءوزارا ءىس-قيمىل ماسەلەلەرىن تالقىلادى.