ءاليا مولدابەكوۆا تەڭگەنىڭ كۇشەيۋى نەگە بايلانىستى ەكەنىن ايتتى

الماتى. قازاقپارات – ق ر ۇلتتىق بانكى ءتوراعاسىنىڭ ورىنباسارى ءاليا مولدابەكوۆا قارجى نارىعىنداعى احۋالدى بايانداپ، تەڭگەنىڭ كۇشەيۋىنە قاتىستى فاكتورلاردى اتادى، دەپ حابارلايدى قازاقپارات ءتىلشىسى.

ونىڭ ايتۋىنشا، ساۋىردە الەمدىك نارىقتاعى احۋال سوڭعى 3 ايداعى ەڭ ءتاۋىر كورسەتكىشكە جەتكەن. قور يندەكستەرى ءوسىپ، دامۋشى مەملەكەتتەردىڭ ۆاليۋتالارى تۇراقتالىپ، شيكىزات نارىعىنداعى باعالار تۇزەلە باستادى.

«مامىردا ەكونوميكالىق بەلسەندىلىكتىڭ ارتىپ، كارانتين شارالارىنىڭ جەڭىلدەتىلۋىنە بايلانىستى وسىنداي ديناميكا قالىپتاستى. دامىعان ەلدەردىڭ ورتالىق بانكتەرى قارجى اكتيۆتەرىن ساتىپ الۋدى جالعاستىرا باستادى. ا ق ش فەدەرالدى رەزەرۆى ورتالىق بانكتەرگە سۆوپ جەلىلەر ارقىلى دوللار ليكۆيدتىلىگىن ۇسىنا باستادى»، - دەدى ءاليا مولدابەكوۆا.

ونىڭ ايتۋىنشا، ناۋرىزداعى اۋقىمدى شوكتان كەيىن تەڭگەنىڭ كۇشەيۋىنە مۇناي باعاسىنىڭ تۇراقتالۋى ىقپال ەتكەن.

«مۇناي نارىعىنداعى تۇراقتىلىقتىڭ ورالۋى ەنەرگيا تاسىمالداۋشى تاۋار باعاسىن قالپىنا كەلتىردى. ساۋد ارابياسى مۇناي ءوندىرۋدى تاعى دا تاۋلىگىنە 1 ميلليون باررەلگە قىسقارتۋ تۋرالى شەشىم شىعاردى. اقش- تا بۇرعىلاۋ قوندىرعىلارىنىڭ سانى 222 گە جەتتى. بۇل 10 جىلداعى رەكورد ازايۋ كورسەتكىشى. قارا التىن كوتيروۆكاسى مامىردا @ عا ارتتى»، - دەدى ۇلتتىق بانك ءتوراعاسىنىڭ ورىنباسارى.

ساۋدا بويىنشا ارىپتەس ەلدەردىڭ نارىعىنداعى تۇراقتىلىق ناتيجەسىندە جانە مۇناي باعاسىنىڭ تۇراقتالۋىنا بايلانىستى تەڭگە 1 ايدا 429,41 دەن 411,54 گە كۇشەيدى. سونىمەن قاتار، مامىرداعى ۇلتتىق ۆاليۋتانىڭ احۋالىنا ىشكى فاكتورلار ىقپال ەتتى. بىرىنشىدەن، ق ر ۇلتتىق قورىنان بەرىلەتىن ترانسفەرت 2,7 تريلليون تەڭگەدەن 4,77 تريلليون تەڭگەگە ارتتى.

ەكىنشىدەن، ەكسپورتەرلەردىڭ سالىق تۇسىمدەرىن تولەۋ ءۇشىن شەتەل ۆاليۋتاسىن ساتۋى ارتتى.

ۇشىنشىدەن، كارانتينگە بايلانىستى كوپتەگەن كاسىپورىندار ءالى دە جۇمىس ىستەمەي تۇرعاندىقتان، ۇلتتىق ۆاليۋتاعا سۇرانىس ازايعان. سوندىقتان، ۇلتتىق بانككە مامىردا ينتەرۆەنسيا جۇرگىزۋدىڭ قاجەتتىلىگى بولمادى.