تۇرىكمەنستان تەاترىندا «اباي» وپەراسىنان شىعارمالار ورىندالدى
ق ر سىرتقى ىستەر مينيسترلىگىنەن ءمالىم ەتكەندەي، ۇلى ابايدىڭ 175 جىلدىق مەرەيتويىنا وراي اشعابات قالاسىنداعى ماقتۇمق ۇلى اتىنداعى ۇلتتىق مۋزىكالىق- دراما تەاترىندا تۇرىكمەنستان مەملەكەتتىك سيمفونيالىق وركەسترى كوركەمدىك جەتەكشى راسۋل كلىچيەۆتىڭ باسقارۋىمەن احمەت جۇبانوۆ پەن لاتيف حاميدينىڭ «اباي» وپەراسىنان شىعارمالار ورىندادى.
وركەستردىڭ سۇيەمەلدەۋىمەن اتاقتى تۇرىكمەن تەنورى نۇرى نۇرىيەۆ «اباي» وپەراسىنان «ايتتىم سالەم، قالامقاس» ايدار ارياسىن، ال وپەرا ءانشىسى، سوپرانو لەيلي وكديروۆا «قارلىعاش» ءانىن شىرقادى. ءوزىنىڭ قۇتتىقتاۋ سوزىندە باس ديريجەر ر. كلىچيەۆ ورتاق تاريحي- مادەني «تامىرلار قازاق جانە تۇرىكمەن حالىقتارىن بىرىكتىرەتىنىن جانە قازاق مادەنيەتىن جاڭا بيىكتەرگە كوتەرگەن ۇلى ابايعا قۇرمەت كورسەتۋ وتە قۋانىشتى ەكەنىن اتاپ ءوتتى. ءوز كەزەگىندە، قازاقستاننىڭ تۇرىكمەنستانداعى ەلشىسى ەركەبۇلان ساپيەۆ ۆوكالشىلارعا، تۇرىكمەنستاننىڭ مەملەكەتتىك سيمفونيالىق وركەسترى مەن مادەنيەت مينيسترلىگىنە مادەني ءىس- شارانى ۇيىمداستىرعانى جانە قازاق حالقىنىڭ ۇلى اقىنى اباي قۇنانباي ۇلىنىڭ شىعارماشىلىق مۇراسىنىڭ ماڭگىلىك قۇندىلىقتارىن ىلگەرىلەتۋگە قوسقان ۇلەسى ءۇشىن شىنايى العىسىن ءبىلدىردى»، - دەلىنگەن ق ر س ءى م اقپاراتىندا.