ش ق و جاستارى قازاقستان تاۋىندا ءانۇران شىرقادى
07:46, 05 - ماۋسىم 2020
وسكەمەن. قازاقپارات - وسكەمەن قالاسىنىڭ جاستارى قازاقستان تاۋىنا كوتەرىلىپ، ءانۇران شىرقادى، دەپ حابارلايدى قازاقپارات ءتىلشىسى.
بۇل شارانى شىعىس قازاقستان وبلىستىق دوستىق ءۇيى- قوعامدىق كەلىسىم ورتالىعى ۇيىمداستىرىپ وتىر. پاتريوتتىق اكسياعا ءوڭىر ۆولونتەرلەرى دە قوسىلعان. جالپى ءوڭىر بويىنشا مەملەكەتتىك رامىزدەر كۇنىنە وراي مىڭنان استام ادام قامتىلعان ءىس- شارالار ونلاين وتكىزىلدى.
ەستەرىڭىزگە سالا كەتسەك، بۇگىن وسكەمەندەگى قازاقستان تاۋىنىڭ بوكتەرىنەن مەملەكەتتىك تۋ مەن ەلتاڭبا بەينەلەنگەن الىپ شار ۇشىرىلدى. بۇدان بولەك، ەرتىس وزەنىنىڭ بويىندا 40 تۋ ىلىنگەن قايىق شەرۋى وتكىزىلدى.