گرانت سانى كوبەيگەندىكتەن، ج و و وقىتۋشىلارىنىڭ جالاقىسىن ارتتىرۋ كەرەك - اسحات ايماگامبەتوۆ

نۇر- سۇلتان. قازاقپارات – ق ر ءبىلىم جانە عىلىم ءمينيسترى اسحات ايماعامبەتوۆ ج و و وقىتۋشىلارىنىڭ ەڭبەكاقىسىن كوتەرۋ جۇمىستارىن ايتىپ بەردى، دەپ حابارلايدى قازاقپارات ءتىلشىسى.

«جوعارعى ءبىلىم بويىنشا جىل سايىن مەملەكەتتىك تاپسىرىس كولەمى ارتىپ كەلەدى. سوڭعى 4 جىلدا مەملەكەتتىك تاپسىرىس 1,3 ەسەگە كوبەيگەن جانە بيىل تۇلەكتەرگە 53 مىڭ گرانت بەرىلەدى. پرەزيدەنت تاپسىرماسىمەن بيىلدان باستاپ، گرانت قۇنى كوتەرىلەدى. ونىڭ باعاسى 10 جىل بويى وزگەرمەگەن ەدى. بۇل رەتتە ءبىز ەڭبەكاقىنى كوتەرۋدى مەملەكەتتىك ج و و- لارعا مىندەتتەيمىز»، - دەدى مينيستر فەيسبۋك جەلىسىندە حالىق الدىندا ەسەپ بەرۋ بارىسىندا.

ونىڭ ايتۋىنشا، قازىر ەڭبەكاقى تولەۋ قورىندا ەڭ تومەنگى ەڭبەكاقى شەگىن بەلگىلەۋ ماسەلەسى تالقىلانىپ جاتىر.

«گرانت قۇنىنىڭ كوتەرىلۋى پەداگوگتاردىڭ دا ەڭبەكاقىسىن ارتتىرۋعا ىقپال ەتۋى ءتيىس. كەي وقۋ ورىندارىندا وقىتۋشىلاردىڭ ەڭبەكاقىسى 70-80 مىڭ تەڭگە ەكەنى ايتىلادى، بۇل - قابىلداۋعا كەلمەيتىن سيفرلار. سوڭعى جىلى كەي جەردە % 70، كەي جەردە - % 50، % 20 ەڭبەكاقى كوتەرىلدى. ءبىراق، مەملەكەتتىك تاپسىرىس قۇنى كوتەرىلگەن سوڭ، ءالى دە ج و و پروفەسسورلىق- وقىتۋشىلىق قۇرامىنىڭ جالاقىسىن ارتتىرۋ مۇمكىندىگى بار»، - دەدى ا. ايماعامبەتوۆ.