تىۆا باسشىسى «اسا قاۋىپتى ۆيرۋس» جۇقتىردى
ايماق باسشىسىنىڭ باسپا ءسوز حاتشىسى دولاانا سالچۋك ونىڭ COVID-19 جۇقتىرعانىن راستادى، - دەپ حابارلايدى ريا نوۆوستي.
دەرەككوز مالىمەتىنشە، كارا-وولدان باسقا تاعى بىرنەشە شەنەۋنىك اۋرۋحانادا جاتىر.
«ءبىزدىڭ قىزمەتكەرلەرىمىز جاتىر (اۋرۋحانادا - رەد. ەسك.) . ۆيرۋس وتە قاۋىپتى، دەنساۋلىققا ايتارلىقتاي اسەر ەتىپ جاتىر، باس اۋىرادى، ارامىزدا وكپەسى قابىنعاندار دا بار. بىرەۋىنىڭ اۋرۋى جەڭىل، باسقا بىرەۋ جانساقتاۋ بولىمىندە جاتىر. ءبىراق دارىگەرلەرگە راقمەت، جاعدايىمىز جاقسى. مەنىڭ اۋرۋىم تۋرالى ەرتەلى-كەش بەلگىلى بولاتىنىن بىلەمىن، ءبىراق مەن قاشىقتان جۇمىس ىستەۋگە تىرىسامىن. بۇل سىناقتان دا وتەرمىز، ءبارى جاقسى بولادى»، - دەدى كارا- وول.
سالچاك باسشىنىڭ جاعدايى جاقسى ەكەنىن جانە دارىگەرلەر قاراپ جاتقانىن ايتتى. تىۆا باسشىسىنىڭ مىندەتىن ونىڭ ءبىرىنشى ورىنباسارى الەكساندر بروكەرت اتقارادى.
ەسكە سالايىق، بۇعان دەيىن ر ف پرەمەر-ءمينيسترى ميحايل ميشۋستين، مادەنيەت ءمينيسترى ولگا ليۋبيموۆا جانە قۇرىلىس ءمينيسترى ۆلاديمير ياكۋشەۆ كوروناۆيرۋس جۇقتىرعان بولاتىن.