نۇر- سۇلتاندا قۇرىلىس نىساندارىنىڭ ءبىرى كارانتينگە جابىلدى

نۇر- سۇلتان. قازاقپارات - نۇر- سۇلتاندا قۇرىلىس نىساندارىنىڭ ءبىرى كارانتينگە جابىلدى، دەپ حابارلايدى قازاقپارات ءتىلشىسى نۇر- سۇلتان قالاسى اكىمدىگىنىڭ باسپا ءسوز قىزمەتىنە سىلتەمە جاساپ.

سكرينينگ بارىسىندا قۇرىلىس كومپانياسىنىڭ ينجەنەرىنەن كوروناۆيرۋس انىقتالعان. الگوريتمگە سايكەس، قۇرىلىس كومپانياسىنىڭ 600 دەن استام قىزمەتكەرى سىناقتان ءوتىپ، 63 ادامدا كوراناۆيرۋس راستالعان. ولاردىڭ ءبارى قازىر ستاتسيوناردا. اكىمدىك بارلىق اۋماق دەزينفەكتسيالانعانىن جاريالادى.

«21- مامىرداعى جاعداي بويىنشا نۇر- سۇلتاندا 10 نىسان كارانتيندە. نۇر- سۇلتاندا بارلىعى 1403 كورووناۆيرۋس جاعدايى تىركەلىپ، 633 ناۋقاس ەمدەلىپ شىقتى. اكىمدىكتىڭ ءموبيلدى توبى پوليتسەيلەرمەن جانە ەپيدەميولوگتارمەن بىرلەسىپ كۇندەلىكتى نەگىزدە نىسانداردىڭ سانيتارلىق نورمالاردى ساقتاۋى بويىنشا رەيد جۇرگىزەدى. سانيتارلىق نورمالاردى بۇزعانى ءۇشىن ەلوردادا 25 نىسان جابىلدى. ولاردىڭ ىشىندە قۇرىلىس كومپانيالارى، دۇكەندەر، كافەلەر، مەيرامحانالار بار. قاتاڭ سانيتارلىق- ەپيدەميولوگيالىق نورمالاردىڭ ساقتالۋىن قامتاماسىز ەتپەيىنشە نىساندار اشىلمايدى. 150 كاسىپورىن ەسكەرتۋ الدى. قاتاڭ ەرەجەلەر كوروناۆيرۋستىڭ تارالۋىنا جول بەرمەۋ ماقساتىندا قابىلداندى» ، - دەلىنگەن حابارلامادا.