تۇركيانىڭ باس كونسۋلى اتىراۋلىق دارىگەرلەرگە العىسىن ءبىلدىردى

اتىراۋ. قازاقپارات - تۇركيانىڭ اقتاۋ قالاسىنداعى باس كونسۋلى اتىراۋلىق دارىگەرلەرگە العىسىن ءبىلدىردى، دەپ حابارلايدى قازاقپارات.

تۇركيا رەسپۋبليكاسىنىڭ اقتاۋ قالاسىنداعى باس كونسۋلى مۇزاففەر اقيىلدىرىم اتىراۋداعى 2№ وبلىستىق اۋرۋحاناسىنىڭ ديرەكتورىنا العىس حات جولداعان.

«اتىراۋ وبلىسىنىڭ تەڭىز كەنتىندە جۇمىس ىستەۋ بارىسىندا كوروناۆيرۋس ىندەتىن جۇقتىرعان تۇركيا رەسپۋبليكاسىنىڭ ازاماتى حادجى چاعلاردىڭ 2№ وبلىستىق اۋرۋحانادا ەمدەلۋىنە كوڭىل بولگەنى ينفەكتسيالىق ءبولىمنىڭ دارىگەرلەرىنە، مەدبيكەلەرىنە، بارشا مەديتسينا سالاسىنىڭ قىزمەتكەرلەرىنە شىن كوڭىلدەن ريزاشىلىق بىلدىرەمىز»، - دەلىنگەن تۇركيانىڭ باس كونسۋلى جولداعان حاتتا.

سونداي-اق، ول ق ر دەنساۋلىق ساقتاۋ مينيسترلىگىنە دە ريزاشىلىعىن بىلدىرگەن.

«COVID-19 ىندەتىمەن كۇرەستە ق ر دەنساۋلىق ساقتاۋ مينيسترلىگىنىڭ باسشىلىعىنا جانە حالقىنا تاباندىلىق پەن جەتىستىكتەر تىلەيمىن»، - دەيدى تۇركيا رەسپۋبليكاسىنىڭ اقتاۋ قالاسىنداعى باس كونسۋلى مۇزاففەر اقيىلدىرىم.