توتەنشە جاعداي رەجيمىن قامتاماسىز ەتۋ جونىندەگى وڭىرلىك جەدەل شتابتىڭ حابارلاۋىنشا، كەشە تەڭىز كەنىشىنىڭ 35 جۇمىسشىسىنان كوروناۆيرۋس ينفەكتسياسىنىڭ بەلگىسى تابىلعان.
«قاۋىپتى ىندەت تابىلعان جۇمىسشىلاردىڭ ۇشەۋى - ءۇندىستاننىڭ، بىرەۋى - فيليپپيننىڭ ازاماتى. جۇمىسشىلاردان كوروناۆيرۋس ينفەكتسياسى تۇرعىلىقتى مەكەنجايىنا شىعار الدىندا وتكىزىلگەن سكرينينگ بارىسىندا انىقتالعان. ولاردىڭ اراسىندا 34 ەر ادام، 1 ايەل بار. بارلىعى دا ينفەكتسيالىق ستاتسيونارعا جاتقىزىلدى. حاتتاماعا سايكەس ەم قابىلداۋدا. ناۋقاستارمەن بايلانىستا بولعاندار انىقتالىپ، دارىگەرلەر باقىلاۋىنا الىندى. ينفەكتسيا وشاقتارىنا دەزينفەكتسيا جۇرگىزىلۋدە»، - دەپ حابارلادى وڭىرلىك جەدەل شتاب.
كەشە، 17- مامىرداعى جاعداي بويىنشا اتىراۋ وبلىسىندا كوروناۆيرۋس ينفەكتسياسىن جۇقتىرعان 541 ادام تىركەلدى.