«كەيبىر شارالاردى جەڭىلدەتۋ كارانتيننىڭ توقتاعانىن بىلدىرمەيدى. كارانتين شارالارى - ول وندىرىستىك قىزمەت، قوعامدىق كولىك جانە باسقالار بويىنشا ءتيىستى شەكتەۋلەردىڭ توپتاسۋى. ولار ەپيدەميالىق تاۋەكەلدەرمەن بايلانىستى. وسى جاعدايدا كەيبىر قالالار اراسىندا اۋە تاسىمالى تۇرعىسىندا شارالاردى جەڭىلدەتۋ قادامدارى قابىلداندى»، - دەدى ە. ءبىرتانوۆ «حابار24» ارناسىنا بەرگەن سۇحباتىندا.
ونىڭ سوزىنە قاراعاندا، تاۋەكەل دەڭگەيىن ەسكەرە وتىرىپ، بۇل قادامدار ارقىلى اۋە تاسىمالدارىن جاساۋعا مۇمكىندىك بولىپ تۇر.
«الايدا قاۋىپ مۇلدەم جوق دەپ ويلاۋعا بولمايدى. ءبىز بۇل باعىتتاعى شارالاردى بىرتىندەپ ىسكە اسىرۋدامىز. سوندىقتان پ ت ر-تەستىلەردى تالاپ ەتۋ قازىرگى كەزدە ورىندى. ىندەت جۇقتىرۋ تومەندەگەنىنە قاراي، وسىدان باس تارتىپ، حالىقتىڭ بارلىق ساناتتارى اراسىندا تاڭدامالى تەستىلەۋگە كوشۋىمىز مۇمكىن. وسى ورايدا ەپيدەميولوگيالىق زەرتحانالىق قاداعالاۋ ەسكەرىلەدى، ياعني تەڭدەي ۇيلەسىمدە قوعامنىڭ بارلىق وكىلدەرىنەن كەزدەيسوق تاڭداۋ تاسىلىمەن زەرتتەۋلەر الىنادى»، - دەدى مينيستر.
ونىڭ پايىمىنشا، سول كەزدە ەپيدەميا مەن قاۋىپتىڭ قانداي دەڭگەيى تۋرالى ءتيىستى تۇسىنىك پايدا بولادى.
«دەگەنمەن وسىعان اۋىسۋعا ءالى ەرتەرەك، بىزدە اۋرۋ وشاقتارى تىركەلگەن وڭىرلەر بار»، - دەدى ە. ءبىرتانوۆ.
اۆتور: رۋسلان عابباسوۆ