بۇل تۋرالى قازاقپارات ءو ز ا ا سىلتەمە جاساپ حابارلايدى. وزبەكستان پرەزيدەنتى شاۆكات ميرزيەيەۆ كوروناۆيرۋس پاندەمياسىنا قاتىستى جيىن وتكىزىپ، تۇرعىنداردى كارانتين ءتارتىبىن بارىنشا قاتاڭ ساقتاۋعا شاقىردى.
جيىندا شاۆكات ميرزيەيەۆ رەسپۋبليكالىق كوميسسياعا كارانتيننىڭ دەڭگەيى بويىنشا قالالار مەن اۋدانداردى جىكتەۋگە تاپسىرما بەرگەنىن ايتتى.
وسىعان سايكەس ەلدىڭ رەسپۋبليكالىق كوميسسياسى 8-مامىردان باستاپ كوروناۆيرۋس انىقتالماعان نەمەسە پاتسيەنتتەر تولىق جازىلعان نوۆاي، جيزاق، قاشقارداريا وبلىستارىنا «جاسىل» دەڭگەي ەنگىزىلەتىنىن حابارلادى.
«ءار ادام كارانتين رەجيمىن، سانيتارلىق جانە گيگيەنا تالاپتارىن قاتاڭ ساقتاۋى كەرەك جانە وعان مىندەتتى. سونىمەن قاتار، «سارى» جانە «قىزىل» دەڭگەيدەگى وڭىرلەردە كوروناۆيرۋس انىقتالماعان اۋداندار بار ەكەنىن ەسكەرۋ قاجەت. سونداي-اق، ەرتەڭ «جاسىل» دەڭگەيدەگى وڭىردەن ۆيرۋس انىقتالسا بارلىق وڭىردەگى جاعدايدى وزگەرتۋدىڭ قاجەتى جوق»، - دەدى شاۆكات ميرزيەيەۆ.