ب ق و پوليتسيا دەپارتامەنتىنىڭ رەسمي وكىلى بولاتبەك بەلگىبەكوۆتىڭ ءمالىم ەتكەنىندەي، وقيعا 6- مامىر كۇنى ساعات 14.00 دە جەلايەۆ كەنتىندەگى 9№ بلوكپوستتا بولدى.
بايتەرەك اۋدانى ترەكين اۋىلىندا تۇراتىن 1986-جىلعى جۇرگىزۋشى بلوكپوستتىڭ شلاگباۋمىنان وتەر كەزدە پوليتسيا كىشى لەيتەنانتى اقجول ءىزباساروۆتىڭ توقتاۋ جونىندەگى زاڭدى تالابىنا باعىنباعان.
سونىڭ سالدارىنان پوليتسيا قىزمەتكەرىنىڭ سول جاق تابانىن باسىپ كەتكەن.
سودان كەيىن وبلىستىق اۋرۋحانانىڭ جاراقات پۋنكتىنە جەتكىزىلگەن ا. ءىزباساروۆقا سول جاق تابانى كوگەرگەن دەگەن دياگنوز قويىلىپ، دارىگەر قاراعاننان كەيىن ۇيىنە جىبەرىلدى.
«جۇرگىزۋشىگە قاتىستى ق ر اكىمشىلىك قۇقىقبۇزۋشىلىق كودەكسىنىڭ 610-بابىنا (جۇرگىزۋشىنىڭ ادامداردىڭ دەنساۋلىعىنا زيان كەلتىرۋگە، كولىك قۇرالدارىنىڭ نەمەسە وزگە دە مۇلىكتىڭ بۇلىنۋىنە اكەپ سوققان جول ءجۇرىسى قاعيدالارىن بۇزۋى) سايكەس اكىمشىلىك حاتتاما تولتىرىلدى. مەديتسينالىق كۋالاندىرۋعا سايكەس جۇرگىزۋشى ايعاق بولعان»، دەدى قازاقپارات تىلشىسىنە ب. بولاتبەكوۆ.
ايتا كەتەيىك، 23 جاستاعى ا. ءىزباساروۆ ىشكى ىستەر سالاسىندا 2018-جىلدان بەرى قىزمەت اتقارىپ كەلەدى.