دەپ حابارلايدى primeminister.kz.
ق ر پرەمەر- ءمينيسترىنىڭ ورىنباسارى رومان سكلياردىڭ جەتەكشىلىگىمەن قازاقستان رەسپۋبليكاسىنىڭ دەلەگاتسياسىنىڭ قۇرامىنا تۇركىستان وبلىسىنىڭ اكىمى ءومىرزاق شوكەيەۆ، ق ر ەكولوگيا، گەولوگيا جانە تابيعي رەسۋرستار ءمينيسترى ماعزۇم مىرزاعاليەۆ پەن قازاقستاننىڭ وزبەكستانداعى ەلشىسى دارحان ساتىبالدى كىردى.
پرەمەر- ءمينيستردىڭ ورىنباسارى س. ۋمۋرزاكوۆ باستاعان وزبەكستان رەسپۋبليكاسىنىڭ دەلەگاتسياسىنىڭ قۇرامىنا ءو ر سۋ شارۋاشىلىعى ءمينيسترى ش. حامرايەۆ پەن سىرداريا وبلىسىنىڭ حوكيمى گ. ميرزايەۆ كىردى. ۇكىمەتتىك دەلەگاتسيالار ەكى ەلدىڭ سۋ استىندا قالعان اۋماقتارىن تىكۇشاقپەن ۇشىپ ارالاپ شىقتى، ونىڭ بارىسىندا تاراپتار ساردوبا سۋ قويماسىنىڭ دامباسىنان سۋ اعىنىنىڭ تولىق توقتاعانىنا كوز جەتكىزدى.
وسى كۇنى كەلىسسوز جۇرگىزىلدى، وندا تاراپتار ورىن العان جاعدايدى تالقىلاپ، توتەنشە جاعدايدىڭ سالدارىن جويۋ بويىنشا بىرلەسكەن جۇمىستى اتقارۋعا كەلىستى. قازىرگى تاڭدا وزبەك تاراپى وزبەكستان اۋماعىندا بوگەتتىڭ بۇزىلۋىنىڭ سالدارىن جويۋ جۇمىستارىن جۇرگىزۋمەن قاتار، تۇركىستان وبلىسىنا، ەڭ الدىمەن فيردوۋسي جانە ورگەباس اۋىلدارىنا، سۋ باسۋ سالدارىن جويۋعا جاردەمدەسۋ ءۇشىن 100-دەن استام تەحنيكا مەن مامانداردى جىبەرگەن. كەلىسسوز كەزىندە تاراپتار ساردوبا سۋ قويماسىن قالپىنا كەلتىرۋ ماسەلەسى جونىندە ءوزارا كەلىسىلگەن جۇمىستاردى ۇيىمداستىرۋ تۋرالى كەلىسىمگە قول جەتكىزدى. كەزدەسۋ سوڭىندا تاراپتار ەكى ەل اراسىنداعى ءداستۇرلى دوستىق پەن ستراتەگيالىق ارىپتەستىك ساباقتاستىعىنداعى تىعىز ىنتىماقتاستىعىن ودان ءارى جالعاستىرۋعا نيەتتەستىگىن ءبىلدىردى.