ەۆاكۋاتسيا ورىندارىندا ورنالاسقان تۇرعىندار وسىنداي قايىرىمدىلىقتان شەت قالماعان مەملەكەت باسشىلىعىنا، ۇكىمەتكە، وبلىس، اۋدان باسشىلىقتارىنا جانە بارلىق قازاقستاندىقتارعا شىنايى العىستارىن ايتۋدا، دەپ حابارلايدى قازاقپارات ءتىلشىسى.
وبلىس اكىمدىگىنىڭ مالىمەتىنشە، توپان سۋدان زارداپ شەككەن جەڭىس، جاڭاتۇرمىس، فەرداۋسي، ورگەباس جانە دوستىق اۋىلدارىنىڭ 6 مىڭنان اسا تۇرعىنىنا جان- جاقتى كومەك كورسەتىلۋدە. مەكتەپتەر مەن كوللەدجدەردەگى، مەشىتتەردەگى 3 مىڭنان استام ادامنىڭ بۇگىنگى جاي- كۇيى ءبىرقالىپتى. ولاردىڭ بارلىعى مەديتسينالىق تەكسەرىستەن وتكىزىلىپ، جاتىن ورىنمەن جانە كورپە- توسەكپەن تەگىس قامتىلعان. تۇرعىندارعا كۇنىنە ءۇش مەزگىل تاماق بەرىلەدى. ازىق- تۇلىك پەن جەكە باس گيگيەناسىن ساقتاۋعا قاجەتتى كەرەك- جاراقتىڭ ءبارى جەتكىزىلۋدە. بارلىق اۋداندارىندان اكەلىنىپ جاتقان كومەك توتەنشە جاعدايعا بايلانىستى جاساقتالعان ورتالىق قويمادا ساقتالادى. ءوز كەزەگىندە تولىقتاي سۋ استىندا قالعان فيردوۋسي اۋىلىنىڭ تۇرعىندارى ءۇي- جاي مەن مال- مۇلىكتەرى جانە ەگىستىك القاپتارىنىڭ شىعىندارى وتەلەتىندىگىن دە ەستىپ، ءبىر سەرگىپ قالدى.
«شىعىن وتەلەدى، دەدى وبلىس اكىمى ءومىرزاق شوكەيەۆ. ونى وسىندا تۇرىپ جاتقان بارلىعىمىز ەستىپ، كوڭىلىمىز ورنىنا ءتۇستى. ءۇيىمىزدىڭ ورنىنا ءۇي سالىنسا، ەگىستىككە جۇمساعان شىعىندار وتەلسە، ەل ريزا. كۇن جىلى، كۇتەمىز. قاساقانا جاسالعان ءىس ەمەس. ونى كوزبەن كورىپ وتىرعان سوڭ، كونەمىز. قۇرىلىس باستالسا، ءوزىمىز باسىندا جۇرەمىز، دەپ قۋانىپ ءجۇرمىز. ەل امان بولسىن. كومەك جىبەرىپ جاتقان بارشا قازاقستاندىقتارعا مىڭ العىس ايتامىز»، - دەيدى فيردوۋسي اۋىلى تۇرعىنىنىڭ ءبىرى نادير فاحرۋددين.
اۋىلدارداعى سۋ كەتكەن سوڭ، ءار ۇيگە كەلگەن شىعىن ارىستاعى توتەنشە جاعداي تاجىريبەسى بويىنشا ەسەپتەلەدى. ارنايى كوميسسيا ۇيلەردى قالاي قالپىنا كەلتىرەتىنىن شەشىپ، زارداپ شەككەن ءار وتباسىعا وتەماقى تولەنەدى. ءتىپتى ەگىس القاپتارى سۋعا كەتكەن شارۋالاردىڭ شىعىنى دا قايتارىلادى. ازىرگە مال شىعىنى ناقتىلانۋدا.
«بەس بالامىزدى سۇيرەپ سول ءتۇنى ءۇيدى تاستاپ قاشتىق. مۇندايدى اللا ەشكىمنىڭ باسىنا بەرمەسىن. سوزبەن جەتكىزۋ مۇمكىن ەمەس. اپاتتىڭ ادەيى جاسالماعانىن بىلەمىز. امان قالعانىمىزعا شۇكىر. مەكتەپتە جاتىرمىز. توسەك ورنى تاپ- تازا، بالالارعا كيىم- كەشەك بەردى. تاماق بەرىپ جاتىر. بارىنە ريزامىز. جاسالعان جاقسىلىقتارىڭىز ءۇشىن ەلىمە ريزامىن»، - دەيدى ماحفيرات قۇربانوۆا.
تۇرعىنداردىڭ سۋ ورتاسىنداعى مال- مۇلكىن پوليتسەيلەر كۇزەتۋدە. نۇرلىجول، ورگەباس، ىرىستى، جانتاقساي ەلدى مەكەندەرىندە تاسقىنعا قارسى بوگەت سالىندى، فيردوۋسي ەلدى مەكەنىنىڭ ماڭىندا كوللەكتور ورنالاستىرىلعان. ايتا كەتەيىك، قازىرگى تاڭدا اۆاريالىق - قۇتقارۋ جۇمىستارىن جۇرگىزۋ ءۇشىن 986 ادام، 10 ءجۇزۋ قۇرىلعىسى، 180 تەحنيكا جۇمىلدىرىلعان. سونىمەن قاتار، قىزىلوردا، جامبىل وبلىستارى مەن شىمكەنت قالاسىنان 30 ونىمدىلىگى جوعارى سۋ جيناعىش سوراپتار كەلگەن. قابىلداۋ ەۆاكۋاتسيالىق پۋنكتەرى قاجەتتى قۇرال- جابدىقتار مەن ازىق- تۇلىكپەن قامتاماسىز ەتىلگەن. 120 مەديتسينا قىزمەتكەرى مەديتسينالىق كومەك كورسەتۋدە. كورشىلەس وبلىستار مەن وبلىستىڭ بارلىق اۋداندارىنان، كاسىپكەرلەر تاراپىنان ءتۇرلى كومەكتەر كورسەتىلىپ، قولداۋ بىلدىرىلۋدە.