بۇل تۋرالى ورتالىق كوممۋنيكاتسيالار قىزمەتىندە ەلدەگى كوروناۆيرۋستىق ينفەكتسيا بويىنشا اعىمداعى جاعداي، سونىمەن قاتار قازاقستانداعى ۆاكتسينالاردىڭ ساپاسى مەن ساتىپ الۋلارى تۋرالى وتكەن بريفينگتە ايتىلدى، دەپ حابارلايدى قازاقپارات ءتىلشىسى.
«وزدەرىڭىز بىلەتىندەي، 1 - مامىردان بەرى ەلىمىز ىشىندەگى نۇر- سۇلتان، الماتى، پەتروپاۆل، سەمەي، وسكەمەن، قىزىلوردا قالالارىنا ۇشاقتىڭ ۇشۋىنا رۇقسات ەتىلگەن. 1 - مامىردان بەرى قالا ارالىعىندا ۇشقان ۇشاقتاردان ۆيرۋس جۇقتىرعان فاكتى تىركەلگەن جوق» ، - دەيدى ق ر د س م تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتىنىڭ ءتوراعاسى تيمۋر سۇلتانعازيەۆ.
ونىڭ ايتۋىنشا، ەل ىشىندەگى قوسىمشا باعىتتارداعى قوزعالىس بويىنشا شەشىم وڭىرلەردەگى ەپيدەميولوگيالىق جاعدايعا بايلانىستى بولادى.
«ءبارى كارانتين تالابى قالاي ساقتالعانىنا جانە سونىڭ ناتيجەسىنە بايلانىستى. ال شەكارا قاشان اشىلاتىنىن ۇكىمەت شەشەتىن بولادى. ول دا ەپيدەميولوگيالىق جاعدايعا بايلانىستى»، - دەپ اتاپ ءوتتى تيمۋر سۇلتانعازيەۆ.