نوسەر جاۋىننىڭ سالدارىنان كوتەرىلگەن «نۇر-اتا» وزەنىنىڭ سۋى ارناسىنان اسىپ ورتالىق كوشەدەگى كوپىردى شايىپ كەتە جازداعان، دەپ حابارلايدى قازاقپارات ءتىلشىسى.
اۋدان اكىمدىگىنىڭ مالىمەتىنشە، 5- مامىر كۇنى ساعات 14:30 شاماسىندا شامادان تىس جاۋعان جاڭبىر سالدارىنان اققان اعاشتار كوپىردىڭ تىرەكتەرىنە كەپتەلىسىپ قالعان. جينالعان سۋ كوپىردىڭ بەتىنە شىعىپ، تاسىعان.
«وسى جاعدايعا وراي اۋدان اكىمى باۋىرجان وماربەكوۆتىڭ باستاماسىمەن قۇرىلعان جۇمىس توبى ەلدىمەكەنگە بارىپ، وزەن سۋىنىڭ دەڭگەيىن كورىپ قايتتى. قاۋىپتىڭ الدىن-الۋ ماقساتىندا توتەنشە جاعدايلار قىزمەتى مەن اۋىل تۇرعىندارى جۇمىلا بىرلەسىپ، كوپىردى جەدەل تازارتتى. سونىمەن قاتار «نۇر-اتا» وزەنىنىڭ بويىن تازالاۋعا ارنايى تەحنيكالار جۇمىلدىرىلدى. قازىرگى تاڭدا ەلدىمەكەنگە تونگەن قاۋىپ جوق» دەلىنگەن حابارلامادا.