«قازاقستاندا جەلتوقسان ايىندا قابىلدانعان «پەداگوگتار مارتەبەسى تۋرالى» زاڭ مەن اكىمشىلىك راسىمدەر تۋرالى كودەكسكە ەنگىزىلگەن وزگەرىستەر نەگىزىندە 2020 -جىلدىڭ 31-ناۋرىزىندا بۇيرىق قابىلداندى. بۇل بۇيرىق ءبىلىم بەرۋ جۇيەسىندە تەكسەرۋ جۇرگىزۋ بويىنشا تاۋەكەل دارەجەسىن قاراپ، ولشەم شارتتارى مەن تەكسەرۋ پاراقتارىن بەكىتۋدى كوزدەيدى. ياعني، مۇعالىمدەردەن ءتيىستى ەمەس جۇمىستاردى تالاپ ەتكەن جاعدايدا اكىمشىلىك ايىپپۇل سالۋ كوزدەلگەن»، - دەدى شولپان قارينوۆا ءبىلىم جانە عىلىم مينيسترلىگىنىڭ ونلاين رەجيمدە وتكەن اپپاراتتىق وتىرىسىندا.
ۆيتسە-مينيستر بۇل رەتتە اۋماقتىق دەپارتامەنتتەر ناقتى قانداي جاعدايدا مۇعالىمدەردى مىندەتىنەن تىس جۇمىسقا تارتقاندارعا ايىپپۇل سالىناتىنىن ايتىپ بەردى.
«ناقتى ايتىپ وتىرعان بۇيرىققا بايلانىستى وڭىرلەردەگى دەپارتامەنتتەرگە قۇزىرەتىنە 1-ساۋىردەن باستاپ بەرىلىپ، جۇمىس باستالدى. مۇنىڭ ىشىنە پەداگوگتاردان ەسەپتىلىك نەمەسە وزىنە بايلانىستا ەمەس اقپاراتتاردى سۇراتقاندار، مۇعالىمدەردى ءوزىنىڭ، ياعني كاسىبي ماماندىعىمەن بايلانىستى ەمەس جۇمىستارعا تارتقاندار، پەداگوگتاردى تاۋارلار مەن قىزمەتتەردى ساتىپ الۋعا مىندەتتەپ، مەملەكەتتىك ءبىلىم مەكەمەلەرىندەگى قىزمەتكەرلەردى باسقا مەملەكەتتىك ەمەس ۇيىمداردىڭ ءىس- شارالارىن وتكىزۋگە تارتاتىندار جاۋاپكەرشىلىك ارقالايدى»، - دەدى ۆيتسە- مينيستر.
ەسكە سالساق، بۇعان دەيىن ق ر ءبىلىم جانە عىلىم مينيسترى اسحات ايماعامبەتوۆ بالاباقشا، مەكتەپ پەن كوللەدجدە قاعازباستىلىقتان ارىلاتىن كۇن كەلگەنىن مالىم ەتكەن بولاتىن.
مينيستردىڭ ايتۋىنشا پەداگوگتى قوسىمشا قۇجات تولتىرۋعا مىندەتتەگەندەرگە ءىرى كولەمدە دەيىن ايىپپۇل سالۋ كوزدەلگەن.
اۆتور: ايان بەكەن ۇلى