الەمدە وكپەنى جاساندى جەلدەتۋ اپپاراتى جەتىسپەي جاتقان كەزدە ق ر دەنساۋلىق ساقتاۋ مينيسترلىگى قازاقستاندىق كاسىپورىندارعا وتاندىق مەديتسينا جابدىعىن شىعارۋدى ۇسىندى.
«بارك تەحنولودجي» كومپانيا وسى جازدا ەلىمىزدەگى جانساقتاۋ بولىمدەرىنە ءوزى جاساعان وكپەنى جاساندى جەلدەتۋ اپپاراتى لەگىن جەتكىزۋدى كوزدەپ وتىر.
كومپانيا مالىمەتىنشە، كونسترۋكتور بيۋروسى بىرنەشە جىلدان بەرى وسى سالادا مامانداندىرىلعان ساناتتاعى اپپاراتتى جوبالاۋدى جۇرگىزىپ كەلەدى. ونى شىعارۋ 2021-جىلعا جوسپارلانعان.
الايدا جاھاندىق پاندەميا جانە داعدارىس كەزىندە ونى شىعارۋدى ءبىر جىلعا جىلدامداتۋ جونىندە شەشىم قابىلدانعان. باس كونسترۋكتور بولىمىندە بولاشاق وكپەنى جاساندى جەلدەتۋ اپپاراتىنىڭ تۋربيناسىنىڭ جۇمىسى مەن اۋا جىبەرۋ ءۇردىسى مينيسترگە ەۋروپالىق ءو ج ا ءوندىرۋشى ليدەر كاسىپورىننىڭ جابدىعىمەن سالىستىرىلا وتىرىپ كورسەتىلدى.
ەلجان ءبىرتانوۆ جاسالاتىن تاۋار ساپاسى بويىنشا مەديتسينا ماماندارىنىڭ تالابىنا سايكەس كەلسە جانە يمپورت بالامالارىنا قاراعاندا باعاسى تومەن بولسا وتاندىق ءوندىرۋشىنى قولداۋعا ءازىر ەكەنىن ايتتى.