بۇل تۋرالى ونلاين باسپا ءسوز ءماسليحاتىندا قازاقستاننىڭ باس مەملەكەتتىك سانيتارلىق دارىگەرى ايجان ەسماعامبەتوۆا ءمالىم ەتتى، دەپ حابارلايدى قازاقپارات ءتىلشىسى.
«بىرتىندەپ تۇرعىندارعا ۇيدەن شىعۋعا، سەرۋەندەۋگە ءارى سپورتپەن اينالىسۋعا رۇقسات بەرۋدەمىز. الايدا توپتاسىپ جينالعان دۇرىس ەمەس. بۇگىننەن باستاپ سپورتپەن شۇعىلدانۋعا رۇقسات ەتىلگەن»، - دەدى ا. ەسماعامبەتوۆا. سونىمەن قاتار ول مەديتسينالىق ماسكانى تاعۋعا قاتىستى تۇسىنىك بەردى.
«ءبىز ماسكانى عيماراتتاردا جانە كوشەدە تاعۋعا كەڭەس بەرەمىز. نەگە دالادا ماسكا تاعۋ كەرەك؟ بۇل تۇرعىدا حالىقارالىق تاجىريبەنى زەرتتەپ، وزىمىزدەگى قادامداردى ەسكەردىك. بۇگىندە دۇنيەجۇزىلىك دەنساۋلىق ساقتاۋ ۇيىمى اعزانىڭ شىرىشتى قاباتىنا قولدى تيگىزبەۋ ءۇشىن ماسكانى كوشەدە دە تاققان دۇرىس ەكەنىن العا تارتىپ وتىر. بۇل ءوز كەزەگىندە ىندەت جۇقتىرۋ جولى. زەرتتەۋلەرگە سۇيەنسەك، ادام 3 مينۋت ىشىندە ەرىكسىز تۇردە، ياعني بايقاماستان بەتىن، مۇرنىن، كوزىن بەس رەتكە دەيىن ۇستاۋى مۇمكىن»، - دەدى قازاقستاننىڭ باس مەملەكەتتىك سانيتار دارىگەرى.
بۇدان بۇرىن حابارلانعانداي، 4 - مامىردان باستاپ دالادا سپورتپەن شۇعىلدانىپ، جاتتىعۋ جاساۋعا رۇقسات ەتىلدى.