بۇل تۋرالى ونلاين باسپا ءسوز ءماسليحاتىندا قازاقستاننىڭ باس مەملەكەتتىك سانيتار دارىگەرى ايجان ەسماعامبەتوۆا ءمالىم ەتتى، دەپ حابارلايدى قازاقپارات ءتىلشىسى.
«ەپيدەميولوگيالىق جاعدايدى ەسكەرە وتىرىپ، كارانتين شارالارى بىرتىندەپ بوساڭسۋى كەرەك. وسى ورايدا ءبىز بىرتىندەپ قالىپتى ءارى جايلى ومىرگە كوشۋىمىز كەرەك. دەگەنمەن كارانتيندىك شارلاردى جەڭىلدەتۋ كەزەڭ- كەزەڭمەن ىسكە اسىرىلادى، ياعني جاعدايعا قاراي بولادى»، - دەدى ا. ەسماعامبەتوۆا.
وسى ورايدا ول كارانتين شارالارى ىندەتكە شالدىعۋدىڭ كۇرت وسۋىنە توسقاۋىل بولعانىن، مەديتسينالىق جۇيەگە جۇكتەمەنى ازايتقانىن جەتكىزدى.
«كارانتيندىڭ شارالاردى جەڭىلدەتۋ بىرتىندەپ ىسكە اسىرىلادى. ءبىرىنشى كەزەكتە ادامداردىڭ تىعىز ءارى ۇزاق قارىم- قاتىناسى بايقالمايتىن نىساندار ىسكە قوسىلۋدا. وسىنى ەسكەرە وتىرىپ، ءتيىستى قاۋلىدا الگوريتمدى ايقىندادىق»،- دەدى قازاقستاننىڭ باس مەملەكەتتىك سانيتار دارىگەرى.
بۇدان بۇرىن حابارلانعانداي، ا. ەسماعامبەتوۆا كارانتيندىك شارالار ءوزىنىڭ ناتيجەسىن بەرگەنىن اتاپ ءوتتى. سوڭعى ەكى اپتانىڭ بارىسىندا تۇراقتى ەپيدەميولوگيالىق جاعدايدى تىركەلگەن.