وپپوزيتسيانىڭ جانە قۇقىق قورعاۋشىلاردىڭ شاقىرۋىنا قاراماستان پولشا ۇكىمەتى كوروناۆيرۋس پاندەمياسى جاعدايىندا 10- مامىردا پوشتا ارقىلى وتكىزىلۋى بەلگىلەنگەن پرەزيدەنتتىك سايلاۋ كۇنىن اۋىستىرۋدان باس تارتتى.
باقىلاۋشىلار قازىرگى پرەزيدەنت اندجەي دۋدانى سايلاۋشىلاردىڭ شامامەن ` قولداۋعا دايىن ەكەندىگىن اتاپ وتەدى. مەملەكەت باسشىسى لاۋازىمىنا التى كانديدات ۇمىتكەر بولىپ وتىر.
«قۇقىق جانە ادىلەتتىك» باسقارۋشى پارتيا كوشباسشىسى ياروسلاۆ كاچينسكيدىڭ تاپسىرماسى بويىنشا دايىندالعان پوشتا ارقىلى داۋىس بەرۋ ءراسىمىن پولشا سەيمى ءساۋىر ايىنىڭ باسىندا ماقۇلداعان ەدى. تاياۋ ارادا قاشىقتان داۋىس بەرۋ تۋرالى زاڭ جوباسىن سەنات قاراۋى ءتيىس.
پولشانىڭ پرەمەر-ءمينيسترى ماتەۋش موراۆەتسكي سىرتتاي داۋىس بەرۋدىڭ قاۋىپسىز ەكەندىگى تۋرالى مالىمدەدى جانە سەناتورلاردى وسى ۇسىنىستى قولداۋعا شاقىردى. پوشتا ارقىلى داۋىس بەرۋگە ەلدىڭ ءبىرقاتار بۇرىنعى پرەزيدەنتتەرى مەن پرەمەرلەرى، سونىڭ ىشىندە دونالد تۋسك قارسى ەكەندىكتەرىن ءمالىم ەتتى.
ال ەۋروكوميسسيا پولشادا سايلاۋدىڭ ەركىن جانە ءادىل ءوتۋىن كۇتەتىندىگى اتاپ وتكەن. دەگەنمەن سوڭعى الەۋمەتتىك ساۋالنامالاردىڭ دەرەكتەرىنە قاراعاندا، ەگەر سايلاۋ 10- مامىردا وتكىزىلەتىن بولسا، وندا سايلاۋشىلاردىڭ 0 كەمى عانا داۋىس بەرۋگە دايىن ەكەندىگىن كورسەتىپ وتىر.