اۋدان اكىمدىگى قاۋىپسىز ايماققا كوشەمىن دەۋشىلەرگە ارناپ ءۇش مەكتەپتى ازىرلەپ، اۋىلعا 50 ورىندىق اۆتوبۋس دايىنداپ وتىر، دەپ حابارلايدى قازاقپارات ءتىلشىسى.
اۋدان اكىمدىگىنىڭ مالىمەتىنشە، اتامەكەن اۋىل وكرۋگى قوعالى اۋىلىندا 1400 دەي تۇرعىن بار.
ولاردىڭ باسىم كوپشىلىگى بالا-شاعالارىن الىپ، ءوز ەرىكتەرىمەن جەتىساي قالاسىنداعى تۋعان-تۋىستارىنىڭ ۇيلەرىنە ورنالاسقان.
ال، اۋىلدىڭ ەر كىسىلەرى كوشۋدەن ءوز ەرىكتەرىمەن باس تارتىپ، ەلدى مەكەن ىرگەسىندەگى دامبى كوتەرۋ جۇمىستارىنا اتسالىسۋدا. ءوز كەزەگىندە اكىمدىك قىزمەتكەرلەرى اتالعان اۋىلدى بازبىرەۋلەر سۋ باسادى دەپ قاۋەسەت تاراتىپ جاتقانىن ايتادى.
ءبىراق بۇل اقپارات شىندىققا جاناسپايدى دەپ وتىر.
«جەتىساي اۋدانىنىڭ وزبەكستان رەسپۋبليكاسىمەن شەكارالاس ورنالاسقان قوعالى اۋىلىنداعى جاعدايدىڭ بۇعان دەيىن باقىلاۋدا بولعانىن ەسكەرتەمىز. اتالعان ەلدى مەكەندە اۋدان اكىمدىگى مەن توتەنشە جاعدايلار قىزمەتىنىڭ ماماندارى سۋ تاسقىنىن الدىن الۋ شارالارىن جۇرگىزىپ، دامبى تۇرعىزۋ مەن قۇم تولى قاپشىق قالاۋ جۇمىستارىن اتقارۋدا»، دەلىنگەن حابارلامادا.