بۇل تۋرالى ق ر دەنساۋلىق ساقتاۋ ءمينيسترى ەلجان ءبىرتانوۆ ءوزىنىڭ Facebook پاراقشاسىندا وسىنداي پىكىر ءبىلدىردى، دەپ حابارلايدى قازاقپارات.
ق ر دەنساۋلىق ساقتاۋ ءمينيسترى ءوزىنىڭ Facebook پاراقشاسىندا مەملەكەتتەردىڭ پاندەميادان شىعۋ ستراتەگياسىنا ارنالعان Bloomberg ماقالاسىن ورنالاستىردى.
وندا وسى جاعدايدان ويداعىداي شىعۋدىڭ جولى بۇكىل الەم بويىنشا ۆاكتسيناتسيالاۋ جۇرگىزۋگە بايلانىستى ەكەندىگى ايتىلعان.
«ءبىزدى كەيبىر «جولداستار» جالپىعا بىردەي ۆاكتسيناتسيالاۋدى بولدىرماۋ قاجەتتىلىگى تۋرالى جار سالىپ جاتقان كەزدە دامىعان ەلدەر ءوز حالقى ءۇشىن كوروناۆيرۋس پاندەمياسىنا قارسى ۆاكتسيناعا كەزەككە تۇرىپ جاتىر. ءبارى ءبولىنىپ قويعان سىڭايلى. الداعى جاز مەزگىلىندە «COVID-19 ەكپە جاسالماعاندارعا كىرۋگە تىيىم سالىنادى» دەگەن تاقتايشالاردىڭ بۇكىل ەۋروپا ەلدەرىندە پايدا بولۋىن جوققا شىعارۋعا بولمايدى»، دەپ اتاپ وتكەن ەلجان ءبىرتانوۆ.