شىمكەنت قالاسى دەنساۋلىق ساقتاۋ باسقارماسىنىڭ مالىمەتىنشە، 78 جاستاعى ازاماتشا قالاداعى اباي اۋدانىنىڭ تۇرعىنى. ول 27 - ءساۋىر كۇنى ج ر ۆ ي، پنيەۆمونيا دياگنوزىمەن جەدەل جاردەم قىزمەتى ارقىلى قالالىق جۇقپالى اۋرۋلار اۋرۋحاناسىنا جەتكىزىلگەن. ناۋقاستان زەرتحانالىق سىناما الىنىپ، پ ت ر دياگنوستيكالىق زەرتتەۋ قورىتىندىسىمەن COVID-19 دياگنوزى ناقتىلاندى. 29 -ءساۋىر كۇنى ازاماتشا جانساقتاۋ بولىمىنە جاتقىزىلىپ، جاعدايىنىڭ اۋىرلىعىنا بايلانىستى جاساندى وكپەنى جەلدەتۋ اپپاراتىنا قوسىلعان. ناۋقاستا قوسالقى 3- دارەجەلى ارتەريالدىق گيپەرتەنزيا، وتە جوعارى توبى، سوزىلمالى برونحيت سەكىلدى اۋرۋلارى بولعان. ناۋقاس ەمدەۋ حاتتاماسىنا سايكەس، قاجەتتى ەم شارالارى جۇرگىزىلىپ، رەسپۋبليكالىق ماماندارمەن بىرنەشە رەت كەڭەس وتكىزىلگەن.
جۇرگىزىلگەن رەانيماتسيالىق ءىس- شارالارعا قاراماستان، 3 - مامىر كۇنى، ساعات 10:20-دا ناۋقاس قايتىس بولدى. 3 - مامىردا ساعات 18:00-دە قازاقستاندا كوروناۆيرۋس جۇقتىرعان تاعى 36 ادام انىقتالدى. ەلدە بارلىعى - 3913 جاعداي تىركەلگەن. بارلىعى 1000 ناۋقاس كوروناۆيرۋس ينفەكسياسىنان ەمدەلىپ، 27 ادام كوز جۇمدى.