سوڭعى ەكى ايدا 373 مىڭ نەمىس جۇمىسىنان ايىرىلعان. بۇعان كوروناۆيرۋس پەن گەرمانياداعى كارانتين سەبەپشى بولىپ وتىر. گ ف ر- دە جۇمىسسىزدىق دەڭگەيى % 5- دان %5,8 عا وسكەن. بۇل دەگەنىمىز 2 ميلليون 600 مىڭ ادام تۇراقتى تابىس كوزىنەن ايىرىلعان. يسپانيادا وسى كەزەڭدە 120 مىڭ ازامات جۇمىسسىز قالعان. ولاردىڭ جالپى سانى 3 ميلليون 300 مىڭعا جەتتى. ساراپشىلار جاعداي بۇدان دا ناشار بولۋى مۇمكىن دەپ وتىر. ءبىرقاتار ەۋروپا ەلدەرىنىڭ ۇكىمەتى جاپپاي جۇمىسسىزدىقتىڭ الدىن الۋ ءۇشىن كومپانيا قىزمەتكەرلەرىنىڭ باسىم بولىگىنىڭ جالاقىسىن تولەۋگە مىندەتتەلدى. فرانتسيادا 8 ميلليون ادام جۇمىسسىزدىق ءۇشىن مەملەكەتتەن وتەماقى الىپ جاتىر.
«ۇكىمەت ولارعا ايتارلىقتاي كومەك كورسەتىپ جاتىر. ءبىراق، بۇل جاعداي ۇزاققا سوزىلعان سايىن، كوپتەگەن ادامدار وسىنداي قيىندىققا تاپ بولعان سايىن جۇمىسپەن قامتۋدىڭ كۋمۋلياتيۆتى پروتسەسىنە اكەلىپ سوقتىرۋ ىقتيمالدىعى جوعارى. جيىنتىق سۇرانىستىڭ قىسقارۋى جۇمىسسىزدىقتىڭ ودان ءارى ارتۋىنا سەبەپشى بولادى. قاۋىپ وسىندا جاتىر»،- دەدى Bruegel اناليتيكالىق ورتالىعىنىڭ ديرەكتورى گۋنترام ۆولفف.