بەيسەنبى كۇنى ۇكىمەتتىك دەرەككوزدەر حابارلاعانداي، 7-ساۋىردە ەلدىڭ پرەمەر-ءمينيسترى سيندزو ابە توكيودا، وساكا مەن باسقا دا بەس پرەفەكتۋرادا 6-مامىرعا دەيىن توتەنشە جاعداي ەنگىزىلەتىندىگى تۋرالى جاريالاعان. ويتكەنى وسى اۋدانداردا اۋرۋ جۇقتىرعاندار سانى كۇرت وسكەن. ءساۋىر ايىنىڭ سوڭىندا باستالاتىن Golden Week (التىن اپتا) مەرەكەسى قارساڭىندا 16-ساۋىردە ەلدىڭ بارلىق 47 ايماعىندا توتەنشە جاعداي رەجيمى ەنگىزىلگەن بولاتىن.
وسى ۋاقىتتا كوپتەگەن جاپون ازاماتتارى ۇيلەرىنە قايتاتىن يا بولماسا ساياحاتقا اتتاناتىن. التىن اپتا - شىعىس ازيا ەلدەرىندە دەمالىس كۇندەرىمەن بىرىكتىرىلگەن بىرنەشە مەرەكەلىك كۇننىڭ اتاۋى. توتەنشە جاعداي كەزىندە جەرگىلىكتى بيلىك تۇرعىنداردان قاجەتسىز سەرۋەننەن باس تارتۋدى سۇرادى، ال كەيبىر كومپانيالارعا جۇمىسىن توقتاتۋدى ۇسىندى.
ۇكىمەت توتەنشە جاعداي ەلدىڭ بارلىق ايماعىندا ءوز كۇشىندە قالۋى كەرەك دەپ سانايدى. ويتكەنى توتەنشە جاعدايدىڭ بىرتىندەپ الىنىپ تاستالۋى بەلگىلى ءبىر اۋدانداردا ادامدار توپ بولىپ جينالۋىنا اكەلىپ، ينفەكسيانىڭ تارالۋ ءقاۋپىن ارتتىرادى. پرەفەكتۋرالاردىڭ گۋبەرناتورلارى 6-مامىردا اياقتالاتىن دەمالىس ماۋسىمىنان كەيىن توتەنشە جاعدايدى ۇزارتۋعا شاقىردى.
بۇگىندە جاپونيادا ۆيرۋس جۇقتىرۋدىڭ 14800 گە جۋىق جاعدايى راستالعان، ونىڭ ىشىندە 700 ى اقپان ايىندا توكيودا كارانتينگە جىبەرىلگەن Diamond Princess كرۋيز لاينەرىنىڭ جولاۋشىسى. ۆيرۋستان قايتىس بولعاندار سانى 450 ادامعا جەتتى.
اۆتور: اياۋلىم التىنبەك