بۇگىن توتەنشە جاعداي رەجيمىن قامتاماسىز ەتۋ جونىندەگى وڭىرلىك جەدەل شتابتىڭ حابارلاۋىنشا، 4 ادامنان كوروناۆيرۋس ينفەكتسياسىنىڭ بەلگىسى راستالعان.
ناۋقاستاردىڭ ەكەۋى 1989-جىلى تۋعان، بىرەۋى 1969 - جىلى تۋعان ەر ادامدار. ولاردىڭ بارلىعى - تەڭىز كەنىشىندەگى مەردىگەر مەكەمەلەردىڭ جۇمىسشىلارى.
بۇعان دەيىن كوروناۆيرۋس جۇقتىرعان ناۋقاسپەن بايلانىستا بولعانى ءۇشىن جۇمىسشىلار كارانتيندىك ستاتسيونارعا جاتقىزىلىپ، ولاردان زەرتحانالىق سىنامالار الىنعان بولاتىن.
«ءتورتىنشى ناۋقاس 1969-جىلعى ايەل ادام. ول بۇعان دەيىن قاۋىپتى توپتىڭ قاتارىندا بولعان. ايەل ادام جوسپارلى پ ت س ر تەستىلەۋدەن ءوتتى. ناتيجەسىندە كوروناۆيرۋس ينفەكتسياسى راستالدى. وسىلايشا، اتىراۋدا ۆيرۋستىڭ جاڭا وشاعى انىقتالىپ وتىر. قازىرگى ۋاقىتتا ناۋقاستاردىڭ جاعدايى قاناعاتتانارلىق. بەكىتىلگەن حاتتاماعا سايكەس ءتيىستى ەم جۇرگىزىلۋدە. ناۋقاستارمەن بايلانىستا بولعان ادامدار انىقتالىپ، وقشاۋلانۋدا. اۋرۋ وشاقتارىندا زالالسىزداندىرۋ ءجۇرىپ جاتىر»، - دەپ حابارلادى توتەنشە جاعداي رەجيمىن قامتاماسىز ەتۋ جونىندەگى وڭىرلىك جەدەل شتاب.
اتىراۋ وبلىسىندا 29- ءساۋىر كۇنگى جاعداي بويىنشا 135 ادامنان كوروناۆيرۋس ينفەكتسياسى راستالىپ وتىر.