قازاقستاندىق قۇتقارۋشىلار توتەنشە جاعداي كەزىندە قالاي جۇمىس ىستەپ جاتىر؟

«توتەنشە جاعداي جانە كارانتين كەزەڭىندە ەلدىڭ بۇكىل وڭىرىندە قۇلاقتاندىرۋ جۇيەسى ىسكە قوسىلىپ، كۇن سايىن جەرگىلىكتى جانە رەسپۋبليكالىق تەلەارنالاردى توسقاۋىلداۋ ارقىلى حالىققا س م س- حابارلاندىرۋ جۇرگىزىلۋدە. ەل تۇرعىندارىن توتەنشە جاعداي ەنگىزىلگەندىگى جانە كارانتين جاريالانعاندىعى تۋرالى حابارلاندىرۋ ءۇشىن رەسپۋبليكالىق جانە وبلىستىق تەلەراديوارنالاردا 1717 رەت توسقاۋىلداۋ ۇيىمداستىرىلدى. «Darmen» قوسىمشاسى جانە «112» ءبىرىڭعاي ءنومىرى ارقىلى قالاعا كىرۋ جانە شىعۋ جابىلعاندىعى، كارانتين جاريالانعاندىعى، قاۋىرت جەلى جانە Egov مەملەكەتتىك قىزمەتتەر بويىنشا تەلەفون نومىرلەرى تۋرالى 288 س م س- حابارلاما جىبەرىلدى»، - دەپ اتاپ وتەدى كوميتەتتەن.

ۆەدومستۆو مالىمەتىنشە، ءورت ءسوندىرۋ قىزمەتى تەحنيكالارىنىڭ كومەگىمەن اقتوبە، قاراعاندى، تۇركىستان جانە نۇر-سۇلتان قالالارىندا كوشەلەردى زالالسىزداندىرۋ جۇمىستارى جۇرگىزىلدى.

بۇل جۇمىستارعا جەكە قۇرامنىڭ 240 مامانى مەن 70 تەحنيكاسى جۇمىلدىرىلدى. ولار وسى ۋاقىتقا دەيىن شامامەن 8 ميلليون شارشى مەتر اۋماقتى زالاسىزداندىرىپ شىقتى.

ت ج ك كوكشەتاۋ تەحنيكالىق ينستيتۋتىنىڭ 20 قىزمەتكەرى دە قالا كوشەلەرىن جانە ادامدار كوپ جينالاتىن نىساندار الاڭىن زالالسىزداندىرۋ جۇمىستارىنا كومەكتەسىپ ءجۇر.

ق ر ءى ءى م ت ج ك رەسپۋبليكالىق جەدەل قۇتقارۋ وتريادىنىڭ قۇتقارۋشىلارى الماتى قالاسى ناۋرىزباي اۋداندىق اكىمدىگىنىڭ جانە «Nur Otan» پارتياسىنىڭ اۋداندىق فيليالىنىڭ قولداۋىمەن «Biz birgەmiz!» رەسپۋبليكالىق اكتسياسىنا قاتىسىپ، مۇقتاج ادامدارعا 100 مىڭنان استام ماسكا تاراتتى.