بۇل جايىندا ق ر ءى ءى م كولىكتەگى پوليتسيا دەپارتامەنتىنەن ءمالىم ەتتى، دەپ حابارلايدى قازاقپارات ءتىلشىسى.
توتەنشە جاعداي كەزىندە تەمىرجول كولىگىنىڭ قوزعالىسىنا شەكتەۋ ەنگىزىلگەنىنە قاراماستان، ازاماتتار ءتۇرلى جولدارمەن ەلىمىز وڭىرلەرىنە ساپارلاۋعا تىرىسىپ جاتادى. ماسەلەن، قاندىعاش ستانساسىنىڭ جەلىلىك پوليتسيا ءبولىمىنىڭ قىزمەتكەرلەرى جۇك پويىزىمەن اقتوبە ستانساسىنان قاندىاعاش ستانساسىنا (اقتوبە وبلىسىنىڭ مۇعالجار اۋدانى) دەيىن بارماق بولعان 5 ادامدى ۇستادى.
«پوليتسيا قىزمەتكەرلەرى قۇقىق بۇزۋشىلاردىڭ قىزىلوردا مەن اقتوبە وبلىستارىنىڭ تۋماسى، جاستارى 23 پەن 56 جاس ارالىعىندا ەكەندىگىن انىقتادى. اتالعان تۇلعالارعا قاتىستى قر اكىمشىلىك قۇقىق بۇزۋشىلىق تۋرالى كودەكستىڭ 476-بابى 6-بولىگى بويىنشا اكىمشىلىك ماتەريال تولتىرىلدى»، - دەپ اتاپ وتەدى ۆەدومستۆودان.
سونداي- اق كولىك پوليتسەيلەرى قاراعاندى- جولاۋشىلار ستانساسىنىڭ تەمىرجول ۆوكزالى پەررونىندا قانداي دا ءبىر قۇجاتسىز جۇرگەن قاراعاندى جانە جەزقازعان قالالارىنىڭ ەكى تۇرعىنىن ۇستادى. قاراعاندى قالالىق مامانداندىرىلعان اۋدانارالىق اكىمشىلىك سوتىنىڭ شەشىمىمەن ەكى ازامات دا اكشىلىك قۇقىق بۇزۋشىلىق جاسادى دەپ تانىلدى جانە 2 تاۋلىككە اكىمشىلىك قاماۋعا الىندى.
اۆتور: مارلان جيەمباي