«مەملەكەتتىك كوميسسيانىڭ ءتوراعاسى، ەلىمىزدىڭ پرەمەر- ءمينيسترى اسقار ماميننەن شىعىس قازاقستان قالالارى مەن نۇر- سۇلتان، الماتى اراسىنداعى ىشكى اۆيارەيستەردى اشۋعا رۇقسات بەرۋىن سۇرادىم. وسىلايشا، ءبىز مامىر ايىنىڭ باسىنان وبلىستار اراسىندا ەلىمىزدە العاشقىلاردىڭ ءبىرى بولىپ اۋە قاتىناسىن قايتا اشامىز. كۇن سايىن نۇر- سۇلتان مەن الماتىدان وسكەمەنگە دەيىن جانە كەرى قاراي ەكى رەيستەن قاتىنايتىن بولادى. سونداي- اق «نۇر- سۇلتان- سەمەي»،«الماتى- سەمەي» باعىتتارى بويىنشا ءبىر رەيستەن ۇشادى»،- دەيدى اكىم.
ونىڭ ايتۋىنشا، ءوڭىر كولەمىندە ەنگىزىلگەن شەكتەۋ رەجيمىنەن شىعۋ جوسپارىنىڭ ءبىرىنشى قادامى ەكونوميكالىق جاعدايدى تۇراقتاندىرۋ باعىتىن ناقتى باعدارلاۋعا مۇمكىندىك بەرەدى.