قىتايدا «قارا جورعا» بيلەگەن قازاق دارىگەرى قازاقستان تەلەارناسىنا سۇحبات بەردى
باحارگۇل تولقىن تەلەارنا تىلشىلەرىنە بەرگەن سۇحباتىندا ۇيىنە ورالعانىن ايتقان. ول - شىڭجاڭنىڭ تۋماسى.
حيرۋگ- دارىگەر ەكى اي بويى، ەڭ قاۋىپتى وشاق ۋحاندا بولىپ، ناۋقاستاردى ەمدەۋگە كومەكتەسىپتى. بىلىكتى مامان قاتەرلى دەرتپەن كۇرەسە ءجۇرىپ ادەمى بيىمەن ەمدەلۋشىلەردىڭ كوڭىلىن كوتەرگەن ەدى.
دارىگەرمەن قاۋىشۋعا تۋعان- تۋىستارى عانا ەمەس، كورشى- قولاڭدارى دا جينالىپ، ىستىق ءىلتيپاتىن بىلدىرگەن. قۇشاعى گۇلگە، ءجۇزى نۇرعا تولعان دارىگەردىڭ قۇرمەتىنە قازاقتىڭ يگى داستۇرىمەن شاشۋ شاشىلدى. مارە- سارە بولعان جۇرت «قارا جورعانى» تاعى ءبىر مارتە بيلەدى. قارسى الۋعا كەلگەن وزگە ۇلت وكىلدەرى دە قازاقتىڭ ءبيىن بيلەۋدەن قالىس قالماپتى.
باھارگۇلدىڭ وتباسىن كورمەگەنىنە 3 ايعا جۋىقتاعان. اتا-اناسىن، جولداسىن، اسىرەسە ۇلىن قاتتى ساعىنعانىن ايتادى. ىندەتتى جەڭىپ، ۇيىنە امان- ەسەن ورالعان ءساتى كەڭ داستارحان باسىندا جالعاستى. باۋىرساق، قۇرت، قازى- قارتا، شۇجىق. قانداستارىمىز جىراقتا جۇرسە دە، قازاقتىڭ ءداستۇرىن ۇمىت قالدىرماپتى.
«ۋحان حالقىنا كوڭىل ءبولۋىن ءبىلدىرتتىم. ءوزىم قازاق بولعاننان كەيىن، حالىق ءبيى «قارا جورعانى سول جەردە بيلەپ بەردىم. ۋحان حالقى ىشىندە جاتقان ناۋقاستار سونداي جاقسى كوردى. سىزدەر وزدەرىڭىزدى وزدەرىڭىز جىگەرلەنىپ وسىنداي كوڭىل كۇيدە بولساڭىز اۋرۋدى جەڭەسىز دەگەن ويدا بولدىم»، - دەيدى ول.
باھارگۇل ەكى ايعا جۋىق ەڭ قاۋىپتى وشاق ۋحاندا بولىپ، دارىگەرلىك مىندەتىن اتقارىپ كەلدى. تۋعان ولكەسى شىڭجاڭعا ورالعانىمەن، ساقتىق ءۇشىن تاعى 20 كۇن كارانتيندە بولدى. دارىگەردىڭ ايتۋىنشا، قازىر ۋحانداعى جاعداي تۇراقتالعان. ءتىپتى اۋرۋحانادا ۆيرۋس جۇقتىرعان بىردە- ءبىر ناۋقاس قالماپتى.
«الاڭدا قورقىنىش بولادى. ءبىراق، مىندەتىم بولعاننان كەيىن بارعاننان كەيىن ءبىر ويىم وسى كىسىلەردى جازىپ، ءوزىمنىڭ قىزمەتىمدى جاقسى ىستەپ كەلۋ وسىنداي وي بولدى. سول كەزدەگى ناۋقاستار جازىلىپ، الدى جۇمىسقا شىعىپ كەتتى.
قازاقستان حالقىنا ايتاتىنىم ءبىرىنشىسى ۇيدەن شىقپاۋ، ەكىنشىسى ۇيدەن شىققاسىن ماسك تاعۋ. ۇشىنشىدەن ءوزىڭىزدى ءوزىڭىز جاقسى ۇستاپ، كوڭىل كۇي جاقتان تايماۋ كەرەك، ءتورتىنشىسى كوپتەگەن ەتتى جەپ، ءسۇتتى ءىشىپ، ايران ءىشىپ، جاقسى تاماقتاردان جەپ دەنەنىڭ اۋقاتىن جاقسى قىلۋ. ءبىز سىزدەر مىنا كۇردەلى ۆيرۋستان تەزىرەك جەڭۋىن تىلەك ەتەمىز»، - دەيدى باحارگۇل تولقىن.