ءمالىم ەتىلگەندەي، قازاقستاندا جۇمىس ىستەيتىن شەتەلدىك 8 كومپانيا جانە «قازاقستاننىڭ شەتەلدىك ينۆەستورلار كەڭەسى» قاۋىمداستىعىنىڭ وكىلدىگى نۇر-سۇلتان قالاسىنداعى كوپسالالى مەديتسينالىق ورتالىققا (ك س م و) ينتەنسيۆتى تەراپيا ءۇشىن زاماناۋي جابدىقتار مەن جەكە قورعانىش قۇرالدارىن سىيعا تارتتى.
ينتەنسيۆتى تەراپيا جابدىعى كەرەۋەتتىڭ ماڭىنا ورناتىلاتىن مونيتورلاردان، ينفۋزيالىق سورعىلاردان، قان اناليزاتورىنان، ەلەكتر يمپەدانس توموگرافىنان جانە جانساقتاۋ شارالارىن وتكىزۋگە ارنالعان فۋنكتسيونالدى جابدىقتاردان تۇرادى.
مەديتسينا قىزمەتكەرلەرى اتالمىش جابدىقتارمەن جۇمىس ىستەۋ ءۇشىن ارنايى وقۋدان ءوتتى.
سونىمەن بىرگە، مەديتسينالىق رەسپيراتورلار، قورعانىس حالاتتارى، كوزىلدىرىكتەر جانە قولعاپتار سەكىلدى 10 مىڭنان استام دانا جەكە قورعانىش قۇرالدارى بەرىلدى.
ارنايى مەديتسينالىق جابدىقتار مەن ماتەريالدارعا تاپسىرىستى نۇر-سۇلتان قالالىق قوعامدىق دەنساۋلىق ساقتاۋ باسقارماسى جاساعان.