كوروناۆيرۋستىڭ ميعا قاۋپى انىقتالدى

نۇر-سۇلتان. قازاقپارات - ۆيرولوگ دارىگەر دجەرەمي روسسمان كوروناۆيرۋستىڭ ادام ميىنا قاۋىپتى ەكەنىن اتادى. ۇلى بريتانياداعى كەنت ۋنيۆەرسيتەتىنىڭ مامانى كوروناۆيرۋستىڭ جاڭا شتامى نيەۆرولوگيالىق بەلگىلەردى تۋدىراتىنىن انىقتادى.

COVID-19 سونىمەن قاتار ورتالىق جۇيكە جۇيەسى مەن ميعا اسەر ەتە الاتىندىعى بەلگىلى بولدى، دەپ حابارلادى The Street.

وسىلايشا، كوروناۆيرۋس جۇقتىرعان پاتسيەنتتەردە گييەن- باررە سيندرومىنىڭ دامۋى تۋرالى ايتىلدى. بۇل جاعدايدا يممۋندىق جۇيە ۆيرۋستىڭ ورنىنا قاتە تۇردە پەريفەريالىق جۇيكە جاسۋشالارىنا شابۋىل جاسايدى. اۋرۋ بۇلشىق ەتتىڭ السىرەۋىنە، سودان كەيىن ۇستاماعا اكەلۋى مۇمكىن.

عالىمنىڭ ايتۋىنشا، نيەۆرولوگيالىق بەلگىلەر COVID-19 جۇقتىرعانداردىڭ % 36- ىندا تىركەلگەن. ولارعا باس اۋرۋى جانە اينالۋى، ءدام مەن ءيىس سەزۋدىڭ جوعالۋى جانە ت. ب. جاتادى. كەيبىر جاعدايلاردا مۇندا بەلگىلەر ەمدەلگەننەن كەيىن پايدا بولۋى مۇمكىن. نيەۆرولوگيالىق سيمپتومدار ۆيرۋستىڭ جۇيكە تىندەرىنە اسەر ەتۋىنەن نەمەسە يممۋندىق جۇيەنىڭ بۇزىلۋىنان پايدا بولادى.

www.24.kz