نۇر- سۇلتان قالاسى پوليتسيا دەپارتامەنتىنىڭ باسپا ءسوز قىزمەتىنەن ءمالىم ەتكەندەي، 29 -ءساۋىر – 10- مامىر ارالىعىندا داۋىلپاز كوشەسىنەن ەلىم- اي كوشەسىنە دەيىنگى ايماقتا جاۋىن سۋىن اعىزاتىن جۇيەنىڭ ماگيسترالدى كوللەكتورى توسەلەتىندىكتەن، ب. مومىش ۇلى داڭعىلى مەن ا. توقپانوۆ كوشەسىنىڭ قيىلىسىندا ەكى باعىتتا كولىك قوزعالىسى توقتاتىلادى. «كولىك قوزعالىسى ءتيىستى جول بەلگىلەرىن قويۋ ارقىلى اينالما جولمەن ۇيىمداستىرىلادى»، - دەلىنگەن باسپا ءسوز حابارلاماسىندا. بۇل ۋچاسكەدەگى كولىك جىلدامدىعى ساعاتىنا 40 ك م- گە دەيىن شەكتەلگەن. قالالىق پوليتسيا دەپارتامەنتى كەپتەلىس بولماۋ ءۇشىن جول ءجۇرۋ مارشرۋتىن الدىن الا جوسپارلاۋدى ەسكەرتەدى.