بۇل تۋرالى قالا اكىمىنىڭ ءبىرىنشى ورىنباسارى ەرلان قوجاعاپانوۆ ونلاين بريفينگ بارىسىندا ايتتى، دەپ حابارلايدى قازاقپارات ءتىلشىسى.
«قازىرگى كەزدە شتاب اتىراۋدان كەلگەن قىزمەتكەرلەردى قابىلداۋ جۇمىستارىمەن اينالىسۋدا. بۇگىن تەڭىزدەن (تەڭىزشيەۆرويل) 200 جۇمىسكەر ارنايى بورتپەن كەلەدى. ولاردى كارانتينگە جاتقىزامىز. پ ت س ر تالداۋلارىن الامىز. بۇل سوڭعى 5 كۇندە كەلگەن 3 بورت بولىپ وتىر. كەشە اتىراۋدان كەلگەن قىزمەتكەرلەردىڭ اراسىنان ءبىر ادامنان ۆيرۋس تابىلدى. قازىر ونى ەپيدەميولوگ دارىگەرلەر قاراپ جاتىر» ، - دەدى ەرلان قوجاعاپانوۆ.
ايتا كەتۋ كەرەك، اتىراۋ وبلىسىندا كوروناۆيرۋس ينفەكتسياسى انىقتالعان ناۋقاستىڭ ءبىرى «تەڭىز» كەنىشىندە جۇمىس ىستەگەنىن حابارلاعان بولاتىنبىز. قازىر اتىراۋ وبلىسىنداعى تەڭىز كەنىشىنەن «تەڭىزشيەۆرويلدىڭ» جانە وزگە دە مەردىگەر كومپانيالاردىڭ جۇمىسشىلارىن ۋاقىتشا شىعارۋ جالعاسىپ جاتىر. 22 - ساۋىردەگى مالىمەتكە سايكەس، كەن ورنىنان 17 مىڭ ادام شىعارىلادى.